जगातील अति श्रीमंतच निसर्गाचे शाेषण करत आहेत

 

 

 

जगातील पाच टक्के नागरिकांना 95 टक्के नागरिकांइतकी संपत्ती मिळवून देण्याचा सुनियाेजित कट अतिश्रीमंतांनी रचला आहे, असे मतwww.change. orgया वेबसाइटवर अनेक नागरिकांनी व्यक्त केले आहे.अब्जाधीशांचे खरे रूप जगासमाेर येऊ लागले अमेरिका, युराेप आणि चीनसारख्या देशांमधील नागरिकांना अब्जाधीशांबद्दल राग येऊ लागला आहे. मागील काळात बेझाेस, बफेट, बिल गेट्स, मस्क किंवा झुकेरबर्ग यांच्याकडे पराेपकारी आणि जगाचे रक्षणकर्ता म्हणून पाहिले जात असे. जणू त्यांना जगाबद्दल करुणा आहे; परंतु आता गेल्या काही वर्षांत त्यांचे खरे रंग उघड हाेत आहेत.मानवी सेवेच्या नावाखाली गावांवर वर्चस्व श्रीमंत लाेक अमेरिका आणि आफ्रिकेतील गावे विविध प्रकल्पांतर्गत विकत घेत आहेत. सुरुवातीला ते तिथे मानवी सेवा करण्याचे ढाेंग करतात.

 

जसे कीआफ्रिकेसह सर्वात गरीब देशांतील नागरिकांना अन्न पुरवणे, औषधे पुरवणे. त्यानंतर माेठ्या कंपन्या असहाय्य शेतकरी आणि गरीब जमीन मालकांच्या लाखाे एकर जमिनीवर ताबा मिळवतात.आधी निर्माण करतात राेग त्यानंतर करतात व्यवसाय मानवाला सुविधा पुरवण्याच्या नावाखाली व्यसनी ग्राहक बनवत आहेत.बैठी जीवनशैली आपल्याला शारीरिक आणि मानसिकदृष्ट्या आजारी बनवते आणि नंतर ते त्यांच्यापासून मुक्त हाेण्याचा व्यवसाय करतात. ते एक दिखाऊ वातावरण तयार करून पैसे कमवतात.जपायला हवा निसर्ग हवा नैसर्गिक आहे. आपल्याला ती तशीच ठेवावी लागेल. सूर्यप्रकाशाच्या मार्गात आपण अनैसर्गिक अडथळे निर्माण करू नयेत. त्याचप्रमाणे, अवकाश आणि इतर ग्रहांवर संशाेधनासाठी कॅम्पिंग, प्रवास आणि वाहतूक काेंडी करण्याच्या व्यवसायामुळे पृथ्वीचा नाश हाेऊ शकताे.

 

महासागर हा कचरा टाकण्यासाठी नाही. नदी विषारी रसायनांचा साठा नाही. जंगले ताेडून उद्याेग आणि वनस्पतींसाठी भूखंडांमध्ये रूपांतरित केली गेली आहेत. निसर्गाचे रक्षण करणे अत्यावश्यक झाले आहे.नवीन तंत्रज्ञानामुळे सुरू झाला वाद तंत्रज्ञान क्रांतीच्या नावाखाली, नवीन उत्पादने देखील वाद निर्माण करीत आहेत. कृत्रिम बुद्धिमत्ता (एआय) बेराेजगारी निर्माण करू शकते. जगात वर्ग संघर्षाची स्थिती निर्माण करू शकते.आधुनिकता म्हणजे काय हे ठरवावे लागेल समाजशास्त्रज्ञ आणि वैज्ञानिक जग अद्याप आधुनिकता म्हणजे काय हे ठरवू शकलेले नाही. निसर्ग आणि मानवी जीवनाला खरा आनंद देण्याऐवजी त्यांना नवीन माॅडेल्स गॅझेट्स देऊन किंवा अंतराळात उड्डाण करून अधिक असंतुलित करत राहणे याला आधुनिकता म्हणतात का? दुर्दैव आहे की, अब्जाधीश व्यक्तींनी मानवी जीवनाच्या गुणवत्तेवर कधीही भर दिला नाही.

 

मानवी जीवन महागाई, ताण, नैराश्य आणि असुरक्षिततेने वेढलेले आहे. काैटुंबिक जीवन उद्ध्वस्त झाले आहे. समान शिक्षण, अन्न, निवारा आणि आराेग्य सुविधा दिसत नाही. पण, त्याच्या पायावर अमानवी दृष्टिकाेनाने केलेला व्यवसाय आहे.पेट्राेल, पाण्याची निर्मिती करावी पेट्राेलची किंमत गगनाला भिडली आहे. अशा स्थितीत अब्जाधीश अंतराळ उड्डाणाचे दरवाजे उघडत असतील, तर पेट्राेल स्वस्त दरात उपलब्ध व्हावे, म्हणून संशाेधन करणे किंवा त्या दिशेने निधी वाटप करणे, ही खरी आधुनिकता आहे. पाणीही पिशव्यांमध्ये मिळू लागले आहे. चांगले पाणी गावांपर्यंत पाेहाेचू शकत नाही. पुढचे युद्ध पाण्यासाठी हाेईल, असे सांगण्यात येत आहे. अशा परिस्थितीत जागरूकता निर्माण करण्याऐवजी आपण इतर ग्रहांवर पाण्याची पातळी कशी शाेधू शकताे? या सर्वाचे मूळ कारण अब्जाधीश हाेण्याची इच्छा आहे.