कामातील समाधान शाेधताना...

 

 

कामातील समाधानासाठी सकारात्मक दृष्टिकाेन, आणि कामामध्ये अर्थ शाेधणे महत्त्वाचे आहे.तुमच्या अपेक्षा पूर्ण न हाेताही, कामातून समाधान मिळवण्यासाठी सतत प्रयत्न करणे आणि आवडीनुसार बदल घडवणे आवश्यक आहे. प्राेत्साहनाचा अभाव, कामातील एकसुरीपणा, कशासाठी करताे आहाेत हे समजण्यापलीकडची स्थिती यामुळे तुम्ही कामाच्या ठिकाणी चाचपडत आहात किंवा उगाचच लढत आहात का? तुम्ही कामात समाधानी आहात का, हे ओळखण्याचे काही निकष.आयुष्यात आपल्याला अनेकदा प्रश्न पडताे की आपण जे काम करताे आहाेत त्याने आपल्याला समाधान मिळते आहे का? आपण माेठ्या उत्साहाने आवडत्या क्षेत्रातील नाेकरी म्हणून ताे जाॅब स्वीकारलेला असताे. काही काळाने मात्र आपला निर्णय याेग्य की अयाेग्य, खरचं हे काम आव्हानात्मक आहे किंवा कसे असे प्रश्न आपल्याला पडू लागतात.

 

प्रत्येकाला कामातून समाधान हवे असते. प्रत्येकाला असे वाटत असते की, आपण करत असलेल्या कामातून आपल्याला आनंद मिळावा, आपले सर्व काैशल्य पणाला लावून आपण काम करावे, कामातून उत्साह मिळावा, काही तरी साध्य केल्याचे समाधान मिळावे. हे सगळे जे समाधान आहे ते मिळवायचे असेल तर तुम्हांला तुमच्या विचारप्रक्रियेत थाेडा बदल करावा लागेल. त्यासाठी, आपल्या सध्याच्या कामाचे मूल्यमापन करा, आपल्या आवडीचे आणि काैशल्यांशी जुळणाऱ्या संधी शाेधा आणि कामातील सकारात्मक दृष्टिकाेन विकसित करा. कामात प्रेम आणि उत्साह असणे महत्त्वाचे आहे, आणि जर समाधान मिळत नसेल तर बदल करण्याचा विचार करा.

 

संधी साेडू नका: आपण जी नाेकरी, काम करताे आहाेत ते म्हणजे राेजचे रहाटगाडगे कुरकुरत चालले आहे, आता इथे अजिबात प्रगती नाही, अशी भावना हाेऊ देऊ नका. कामाच्या ठिकाणी नव्या प्रकल्पात काम करण्याची संधी आणि इतर छाेट्या माेठ्या संधीच्या शाेधात रहा. मी काम करेन तर एकदम माेठे आणि सगळ्यांच्या नजरेत भरणारे अशी भूमिका ठेवू नका. तुमचे काैशल्य आणि प्रतिभा प्रकट करण्याची एकही संधी साेडू नका. तुमच्या उत्साहावर तुमच्या कामाच्या स्वरुपाने कंटाळवाणेपणाचे जाळे विणले जाणार नाही आणि ुतम्ही त्यात गुरफटले जाणार नाही याची काळजी घ्या.

 

कामाच्या ठिकाणी घट्ट नाती विकसित करा:कामातील समाधान म्हणजे काम आणि कामच्या ठिकाणी असणारे सुरांशी जुळवून घेणे. तुम्ही ज्यांच्याबराेबर काम करता त्यांच्याबराेबर सहकारी किंवा वरिष्ठ म्हणून घट्ट विश्वासाचे नाते तयार करा.आपले काम कार्यक्षमपणे आणि कुठलाही वाद न उद् भवता पूर्ण हाेण्यासाठी लाेकांच्या काैशल्याची मदत हाेते.

 

काम आणि घर यातील संतुलन: कामाच्या ठिकाणचे व्यवस्थापन तुम्ही कशा पद्धतीने करता यावर तुम्ही ताणतणाव दूर कसे ठेवणार हे ठरत असते. काम आणि घर यातील संतुलन तुम्ही याेग्य प्रकारे करु शकलात तर तुम्ही तुमची उत्साहाची पातळी चांगली ठेवू शकता. असे झाले तर राेज सकाळी ऑिफसला जाणे म्हणजे जीवावरचे ओझे वाटत नाही.