ब्रिटनमध्ये बॅटरीवर चालणारी प्रवासी ट्रेन सुरू

देशातील पहिली पूर्णपणे बॅटरीवर चालणारी प्रवासी ट्रेन ब्रिटनमध्ये सुरू करण्यात आली असून, ही ग्रेट वेस्टर्न रेल्वे ट्रेन लंडनमधील वेस्ट ईलिंग आणि ग्रीनफाेर्ड दरम्यानच्या मार्गावर धावत आहे. सुमारे 9 कि. मी.चा हा मार्ग पूर्वी डिझेल ट्रेनने चालवला जात हाेता. पर्यावरणपूरक आणि प्रदूषणमुक्त वाहतुकीच्या दिशेने ही नवीन ट्रेन एक महत्त्वाचे पाऊल मानली जात आहे.ही ट्रेन आधुनिक बॅटरी तंत्रज्ञानाने सुसज्ज करण्यात आली आहे. स्टेशनवर 2000 किलाेवाॅट चार्जरसह ती फक्त साडेतीन मिनिटांत पूर्णपणे चार्ज हाेते. जलद चार्जिंग सिस्टीममुळे ट्रेनला जास्त काळ थांबण्याची आवश्यकता नाही. चाचणी दरम्यान या ट्रेनने एका चार्जमध्ये 322 कि.मी. अंतर कापून जागतिक विक्रम प्रस्थापित केला आहे. यापूर्वी, एका जर्मन ट्रेनने 223 कि.मी. अंतर कापून जागतिक विक्रम प्रस्थापित केला हाेता. रेल्वे अधिकाऱ्यांच्या मते, या प्रकल्पामुळे भविष्यात डिझेल गाड्यांऐवजी ग्रीन नेटवर्क तयार केले जाईल. अशा बॅटरी गाड्या अशा मार्गांवर वापरल्या जातील जिथे वीज वाहिन्या टाकणे कठीण किंवा महागडे आहे.