सुट्टीच्या काळात फिटनेस टुरिझमचा नवा ट्रेंड वाढताेय

 

 

 

प्रत्येक दाेन व्यक्ती आता आराेग्याप्रति जागरूक हाेत असल्याचे दिसते आणि हे केवळ सुट्यांमध्ये दिसणारे साधे बदल नाहीत, तर लाेकांचा एक विशिष्ट गट सुट्यांमध्ये दुपारचे आळस आणणारे जेवण आणि निवांत फिरण्याऐवजी व्यायाम करणे, घाम गाळणे पसंत करत आहेत. स्पा रिट्रीट्सऐवजी, 30 ते 45 वयाेगटांतील लाेक मार्शल आर्ट्स कॅम्पपासून ते स्ट्रेंथ ट्रेनिंगवर आधारित पर्यटनासाठी सुट्या निवडत आहेत.कुमुद नाैलखा, हैदराबादमधील एक साॅफ्टवेअर इंजिनीअर, असेच काहीतरी शाेधत हाेत्या. फिटनेस हा त्यांच्या जीवनाचा एक महत्त्वाचा भाग असून, काेविड महामारीचे अडथळे आणि मातृत्वामुळे व्यायामात दीर्घ खंड पडला हाेता. 37 वर्षीय कुमुद यांना त्यांचा हेतू पूर्ण करणारी सुट्टी हवी हाेती. गेल्या नाेव्हेंबरमध्ये, त्यांनी ‘द बर्न कंपनी’ने केरळमध्ये आयाेजित केलेल्या तीन दिवसांच्या ‘प्राईमल मूव्हमेंट’ उपक्रमासाठी नाव नाेंदवले.

 

15 सहभागी व्यक्तींसह, नूकाला काेझिकाेड येथील एका शांत रिसाॅर्टमध्ये कुमुद राहिल्या. तिथे त्यांना मुदगर (लाकडी क्लब), निमल फ्लाे (व्यायामाचा प्रकार) आणि कलारिपयट्टू यांसारख्या विविध हालचालींची ओळख करून देण्यात आली. ‘जेव्हा तुम्ही लाेकांमध्ये मिसळता, तेव्हा त्यांच्याशी बाेलता जे तुमच्यासारख्या क्षेत्रात काम करत नाहीत, तरीही तुम्हाला ते प्रेरणा देतात आणि खूप छान वाटते,’ असे कुमुद म्हणतात.फेबिन झकेरिया (वय 28 वर्षे) आणि डिक्सन एलेक्स मॅथ्यू (वय 31 वर्षे) यांनी गेल्या वर्षी द बर्न कंपनी सुरू केली. काेट्टायममधील फिटनेस उत्साही झकेरिया यांना लाेकांना मार्शल आर्ट्स, प्राईमल हालचाली, माउंटन बायकिंग आणि याेगावर आधारित आराेग्यावर केंद्रित असलेल्या एकाधिक हालचालींच्या प्रकारांची ओळख करून द्यायची आहे. कंपनीने आतापर्यंत अशा नऊ सुट्यांचे आयाेजन केले आहे.

 

बहुतेक कार्यक्रम तीन दिवस चालतात आणि त्यात 15 ते 16 सहभागी व्यक्ती असतात. सुमारे 95% उपस्थित हे नव्याने शिकणारे असतात, असे झकेरिया सांगतात. बहुतेक सत्रे घराच्या चाैकटीच्या बाहेर निसर्गाच्या सानिध्यात हाेतात.त्यांच्याकडे ऑस्ट्रिया आणि आयर्लंडसारख्या विविध देशांतील आणि भारतीय राज्यांतील नागरिक सहभागी हाेण्यासाठी येतात.फिटनेस सुट्यांची लांबी बदलूही शकते. तीन ते सात दिवसांच्या छाेट्या कार्यक्रमांपासून ते एक ते सहा महिन्यांपर्यंत चालणाऱ्या दीर्घकालीन बुटकॅम्पपर्यंत, असे ‘वर्कशाॅप’ असू शकतात, जे काही वेळा आश्चर्यकारक बदल घडवून आणतात. झकेरिया कबूल करतात की, अशा व्हेकेशनमध्ये काही आव्हाने आहेत, जे अजूनही एक नवीन क्षेत्र आहे.

 

बहुतेकांसाठी हे बजेटमध्ये आहे. गुणवत्तेशी तडजाेड न करता वाढवणे हे सर्वांत माेठे आव्हान आहे.33 वर्षीय फिटनेस ट्रेनर आणि आहारतज्ज्ञ अर्चिता मिश्रा म्हणतात की, ‘हे कॅम्प व्यायामाच्या मार्गातील सर्वांत माेठा अडथळा दूर करतात. लाेकांसाठी व्यायाम करताना सातत्य राखणे हे सर्वांत कठीण असते. या कॅम्पमध्ये हाच निर्णय घेण्याचा थकवा सहकाऱ्यांमुळे येत नाही. वाय-फाय सक्षम कॅफे आणि लवचिक कामकाजाच्या तासांमुळे, सहभागी व्यक्ती व्यायाम करू शकतात आणि त्यांचे कामही करू शकतात.’ ऋषिकेश आणि लेह हे फिटनेस उत्साहींसाठी आंतरराष्ट्रीय हब बनले आहेत. चेलाॅन्गमधील ठराविक भाग देखील आकर्षणाचे केंद्र बनला आहे.