तरुणाने हाॅटेलमध्ये दाेन वर्षे ई-स्पाेर्ट्स गेम खेळला

 

 

 

चीनमध्ये गेम खेळण्यासाठी खास हाॅटेल्स बांधण्यात आली आहेत. एक व्यक्ती अशाच एका ई-स्पाेर्ट्स हाॅटेलमध्ये दाेन वर्षे राहून गेम खेळत राहिली. तथापि, 12 डिसेंबर राेजी त्याने चेक आउट केले आणि हाॅटेल साेडल्यावर एक घटना तेथील लाेकांच्या लक्षात आली. सहसा, ग्राहकाने चेक आउट केल्यानंतर खाेली पूर्णतः स्वच्छ केली जाते आणि दुसऱ्या ग्राहकाला दिली जाते. जेव्हा कर्मचाऱ्यांनी खाेली स्वच्छतेसाठी उघडली तेव्हा खाेलीची स्थिती पाहून ते घाबरले. खाेलीत बेडपासून जमिनीपर्यंत कचऱ्याचा ढीग हाेता.टेक-अवे फूड बाॅक्स, ड्रिंक टिन, रॅपर्स, प्लास्टिक पिशव्या आणि रिकाम्या बाटल्यांचा ढीग इतका उंच हाेता की बेड आणि कचरा एका रांगेत झाला हाेता.

 

या खाेलीत राहणारा माणूस गेममध्ये इतका व्यसनी हाेता की ताे क्वचितच खाेली साेडत असे आणि काेणालाही त्याच्या खाेलीत येऊ देत नव्हते. त्या खाेलीतील स्वच्छता करण्यास येणाऱ्या कर्मचाऱ्यास त्याच्या खाेलीत येऊ देण्यासही त्याने नकार दिला हाेता, म्हणून दाेन वर्षांपासून त्याने बाहेरून मागवलेल्या काेणत्याही वस्तूचा कचरा खाेलीतच राहिला. त्याने स्वतः शाैचालय स्वच्छ करण्याची तसदीही घेतली नाही, त्यामुळे हाॅटेलचे शाैचालय इतके घाणेरडे झाले हाेते की त्यापेक्षा सार्वजनिक शाैचालयाचे चांगले असे म्हणावे.

चीनमधील ई-स्पाेर्ट्स हाॅटेल्स गेमर्ससाठी बनवली जातात. येथे उच्च दर्जाचे संगणक, आरामदायी गेमिंग खुर्च्या, माेठे माॅनिटर्स आणि जलद इंटरनेट उपलब्ध आहे.

 

येथे, तुम्ही काही तासांसाठी देखील राहू शकता, तर काही लाेक मासिक भाड्याने देखील राहतात. या हाॅटेलमध्ये पहिल्यांदाच एका तरुणाने दाेन वर्षे खाेलीत राहण्याचा अनुभव घेतला हाेता. तथापि, ताे गेल्यानंतर, हाॅटेलचे स्वच्छता कर्मचारी संतापले.हा इतका गाेंधळ हाेता की व्यावसायिक प्रशिक्षित स्वच्छता तज्ज्ञांना ती खाेली स्वच्छ करण्यासाठी बाेलावावे लागले.जवळजवळ एक ट्रक भरेल इतका कचरा हाेता. हाॅटेलचे म्हणणे आहे की व्यावसायिक स्वच्छता केल्यानंतरही, ही खाेली दुसऱ्याला भाड्याने देण्याच्या स्थितीत नाही. त्या खाेलीचे नूतनीकरण करावे लागेल.