शिक्षक आघाडीतर्फे डॉ. गजानन एकबोटे यांना जीवनगौरव

‘नवीन शिक्षण प्रणाली अनेक सकारात्मक बदल घडून आणेल व यामुळे शिक्षकांना त्यांच्या कौशल्यविकासाला वाव मिळेल‌’, असे प्रतिपादन प्रोग्रेसिव्ह एज्युकेशन सोसायटीचे चेअरमन डॉ. गजानन एकबोटे यांनी केले. शिक्षक दिनाचे औचित्य साधून अखिल भारतीय ब्राह्मण महासंघ पुणे जिल्हा शिक्षक आघाडीतर्फे आयोजित कार्यक्रमात डॉ. एकबोटे यांना जीवनगौरव शिक्षणरत्न पुरस्काराने सन्मानित करण्यात आले. या वेळी ते बोलत होते. उल्लेखनीय कामगिरी करणाऱ्या 75 शिक्षकांना या वेळी गौरविण्यात आले. याप्रसंगी प्रमुख पाहुणे म्हणून उच्चशिक्षण संचालक शैलेंद्र देवळाणकर तसेच अखिल भारतीय ब्राह्मण महासंघाचे राष्ट्रीय अध्यक्ष डॉ. गोविंद कुलकर्णी, जिल्हाध्यक्ष मंदार रेडे, शिक्षक आघाडी अध्यक्ष राजेंद्र जोशी उपस्थित होते.