ठाणेकरांचा पर्यावरणपूरक विसर्जनाला उत्स्फूर्त प्रतिसाद

 

 

 

 

कृत्रिम तलावात गणेशमूर्ती विसर्जनासंदर्भात ठाणे महापालिकेने केलेल्या आवाहनाला प्रतिसाद देत ठाणेकरांनी पर्यावरणपूरक विसर्जन केले.त्यापाठाेपाठ गणेशमूर्ती विसर्जनस्थळी घनकचरा व्यवस्थापन विभागाने राबवलेल्या निर्माल्य संकलन उपक्रमाला भाविकांचा उत्स्फूर्त प्रतिसाद मिळाला. यंदा 73 टन निर्माल्य संकलन झाले असून, त्यात गतवर्षीच्या तुलनेत दुपटीने वाढ झाली.या निर्माल्यापासून सेंद्रिय खत तयार केले जाणार आहे. त्याचबराेबर दाेन टनांहून अधिक प्लॅस्टिक जमा झाले आहे.तलावांचे शहर ही ओळख टिकवण्यासाठी ठाणे महापालिकेकडून दरवर्षी पर्यावरणपूरक विसर्जन संकल्पना राबवण्यात येते. यासाठी कृत्रिम तलाव, फिरते विसर्जन पथक, हाैद, स्वीकृती केंद्र अशी व्यवस्था महापालिकेकडून करण्यात येते. त्यास ठाणेकरांकडून दरवर्षी चांगला प्रतिसाद मिळताे.

 

यंदाही हेच चित्र ठाण्यात दिसून आले. महापालिकेच्या घनकचरा व्यवस्थापन विभागाकडून विसर्जन स्थळांवर निर्माल्य संकलन करण्यात आले. त्यासाठी पथके नेमण्यात आली हाेती. निर्माल्य संकलन उपक्रमाला भाविकांचा उत्स्फूर्त प्रतिसाद मिळाला.ठाणे महापालिकेच्या या उपक्रमामुळे जलस्राेतांमध्ये टाकले जाणारे निर्माल्य थेट खतनिर्मितीसाठी वापरले जात आहे. या उपक्रमामुळे जलप्रदूषण टाळण्यास मदत हाेत असून, शाश्वत सेंद्रिय खत उत्पादनालाही चालना मिळत आहे. काेलशेत, काैसा आणि ऋतू पार्क येथील बायाेकंपाेस्टिंग प्रकल्पांत हे संकलित निर्माल्य प्रक्रिया करून सेंद्रिय खतात रूपांतरित करण्यात येणार आहे; तसेच निर्माल्यांतील अविघटनशील घटकांचे वर्गीकरण करून ते पुनर्प्रक्रियेसाठी पाठवण्यात येणार आहे.