आकाशवाणीवर रूपाली चाकणकर यांची मुलाखत

 

 

 

 

महिलांच्या सशक्तीकरणासाठी आणि त्यांच्या हक्कांच्या प्रभावी अंमलबजावणीसाठी राज्य महिला आयोग सातत्याने कार्यरत आहे. मुंबईत राष्ट्रीय पातळीवरील क्षमता बांधणी कार्यशाळेचे आयोजन करण्यात आले असून, या विषयाच्या अनुषंगाने राज्य महिला आयोगाच्या अध्यक्षा रूपाली चाकणकर यांची विशेष मुलाखत माहिती व जनसंपर्क महासंचालनालय निर्मित दिलखुलास आणि जय महाराष्ट्र कार्यक्रमात प्रसारित होणार आहे.

 

दिलखुलास कार्यक्रमात ही मुलाखत शनिवारी (23 ऑगस्ट) सकाळी 7.25 ते 7.40 या वेळेत आकाशवाणीच्या सर्व केंद्रांवर तसेच न्यूज ऑन आयआर या मोबाइल ॲपवर ऐकता येईल. निवेदक दीपक वेलणकर यांनी ही मुलाखत घेतली आहे. राष्ट्रीय महिला आयोग आणि महाराष्ट्र महिला आयोगाच्या विद्यमाने मुंबईत दोनदिवसीय क्षमता बांधणी कार्यशाळा आयोजिण्यात आली आहे. या कार्यशाळेत देशभरातील महिला आयोगांच्या अध्यक्षा व सदस्य सहभागी होणार असून, महिलाविषयक कायद्यांची परिणामकारक अंमलबजावणी, महिलांच्या सामाजिक प्रश्नांवर उपाययोजना आणि देशव्यापी कृती आराखडा तयार करणे या महत्त्वाच्या मुद्द्यांवर चर्चा होणार आहे.