‌‘लोकराज्य‌’चे मुख्यमंत्र्यांच्या हस्ते प्रकाशन

 

 

युनेस्कोच्या जागतिक वारसा स्थळांच्या नामांकनात समाविष्ट करण्यात आलेल्या छत्रपती शिवाजी महाराजांच्या 12 गडकिल्ल्यांसंदर्भात माहिती व जनसंपर्क विभागाच्या ‌‘लोकराज्य‌’ मासिकाच्या विशेषांकाचे राज्य मंत्रिमंडळाच्या बैठकीत मुख्यमंत्री देवेंद्र फडणवीस यांच्या हस्ते प्रकाशन करण्यात आले.

 

या वेळी उपमुख्यमंत्री अजित पवार यांच्यासह सांस्कृतिक कार्यमंत्री आशिष शेलार, महसूल मंत्री चंद्रशेखर बावनकुळे, अन्न व नागरी पुरवठा मंत्री छगन भुजबळ, जलसंपदा मंत्री गिरीश महाजन, पाणीपुरवठा मंत्री गुलाबराव पाटील, मृद व जलसंधारण मंत्री संजय राठोड, पर्यटन मंत्री शंभूराज देसाई, अन्न व औषध प्रशासन मंत्री हसन मुश्रीफ, परिवहन मंत्री प्रताप सरनाईक, शालेय शिक्षण मंत्री दादा भुसे, कृषिमंत्री दत्तात्रय भरणे आदींसह मुख्य सचिव राजेश कुमार, माहिती व जनसंपर्क विभागाचे प्रधान सचिव ब्रिजेश सिंह आदी उपस्थित होते.

 

छत्रपती शिवाजी महाराजांच्या शौर्याचे साक्षीदार असलेल्या शिवनेरी, राजगड, रायगड, प्रतापगड, पन्हाळगड, लोहगड, साल्हेर, खांदेरी, सुवर्णदुर्ग, विजयदुर्ग, सिंधुदुर्ग आणि जिंजी या 12 किल्ल्यांच्या ऐतिहासिक, भौगोलिक पैलूंबाबत माहिती या अंकात देण्यात आली आहे.