सत्तर आयटीआयमध्ये नवीन अभ्यासक्रमास मान्यता देण्यात आली

 

 

 

 

केंद्रीय काैशल्य विकास आणि उद्याेजकता विभागाच्या प्रशिक्षण महासंचालकांनी राज्यातील 70 शासकीय औद्याेगिक प्रशिक्षण संस्थांमध्ये (आयटीआय) नवीन अभ्यासक्रम सुरू करण्यास मान्यता दिली आहे. चेंबूर येथे शासकीय उच्चस्तरीय औद्याेगिक प्रशिक्षण संस्था स्थापनेसाठी मान्यता देण्यात आली आहे. काळानुरूप बदलत्या अभ्यासक्रमामुळे राेजगाराच्या संधीत वाढ हाेऊन राज्यातील आयटीआयमध्ये क्रांती घडणार असल्याचा विश्वास काैशल्य, राेजगार, उद्याेजकता व नाविन्यता मंत्री मंगलप्रभात लाेढा यांनी व्य्नत केला.राज्यातील 70 शासकीय औद्याेगिक प्रशिक्षण संस्थांमध्ये साेलर टेक्निशियन (इलेक्ट्रिक), ईव्ही मेकॅनिक (इलेक्ट्रिक व्हेईकल) हे नवीन अभ्यासक्रम शिकवण्यात येणार आहेत. पर्यावरण संवर्धनावर आधारियाेजना राबवण्यावर राज्य शासनाचा भर असून, राज्यात साैर ऊर्जेशी निगडित तंत्रज्ञानाची व साेलर टेक्निशियन, तसेच मेकॅनिक इलेक्ट्रिक व्हेईकलची गरज लक्षात घेऊन या क्षेत्रातील टेक्निशियनची मागणी वाढणार आहे. त्या अनुषंगाने दाेन नवीन अभ्यासक्रमांची मागणी व्यवसाय शिक्षण प्रशिक्षण संचालनालयाने केंद्रीय काैशल्य विकास आणि उद्याेजकता विभागाच्या प्रशिक्षण महासंचालकांकडे केली आहे.

 

मुख्यमंत्र्यांच्या मार्गदर्शनाखाली काैशल्य विकास विभाग नाविन्यपूर्ण उपक्रम राबवत आहे. ज्येष्ठ शास्त्रज्ञ डाॅ. रघुनाथ माशेलकर आणि ‘मित्रा’चे मुख्य कार्यकारी अधिकारी प्रवीण परदेशी यांच्या सूचना व सल्ल्याने औद्याेगिक प्रशिक्षण संस्थांत काळानुरूपअभ्यासक्रम सुरू करण्यात येत आहे. सध्या राज्यातील 70 औद्याेगिक प्रशिक्षण संस्थांत हा अभ्यासक्रम शिकवण्यात येणार आहे.ज्या औद्याेगिक प्रशिक्षण संस्था नवीन अभ्यासक्रमांची मागणी करतील त्यांना मंजुरी देण्यात येईल, असे लाेढा यांनी सांगितले.शासकीय औद्याेगिक प्रशिक्षण संस्थांमध्ये विद्यार्थ्यांना काळानुरूप शिक्षण देऊन जास्तीत जास्त कुशल मनुष्यबळ तयार करणे हा काैशल्य विकास विभागाचा उद्देश आहे. आयटीआय हा एक उच्च काैशल्य गुणवत्ता ब्रँड म्हणून प्रस्थापित करण्यासाठी खासगी औद्याेगिक आस्थापनांच्या सहाय्याने राज्यातील 36 जिल्हास्तरीय आद्याेगिक प्रशिक्षण संस्थामध्ये दर्जावाढ करण्यात येत आहे, असेही लाेढा यांनी सांगितले.