पंढरपूरमधील विद्युत सुविधांचे सक्षमीकरण करा

 

 

 

 

पंढरपूरमध्ये माेठ्या प्रमाणात भाविक दर्शनासाठी येत असल्याने विद्युत सुविधांच्या सक्षमीकरणाची आवश्यकता असून, त्यानुसार ही कामे दर्जेदार करावीत, असे निर्देश ऊर्जा राज्यमंत्री मेघना बाेर्डीकर यांनी दिले.एमएसईबी लुत्रधारी कंपनी, फाेर्ट येथे बाेर्डीकर यांनी पंढरपूर मतदारसंघातील उर्जा विभागाच्या कामांचा आढावा घेतला. यावेळी आमदार समाधान आवताडे यांच्यासह ऊर्जा विभागाचे वरिष्ठ अधिकारी उपस्थित हाेते. पंढरपुरात चंद्रभागेच्या तीरावर व श्री विठ्ठल-रुक्मिणी मंदिर परिसरात लाखाेंच्या संख्येने भाविक येतात. त्यांची सुरक्षा; तसेच अखंड वीजपुरवठा करण्यासाठी ऊर्जा विभागाने नवीन उपकेंद्र, राेहित्र व आवश्यक तेथे नवीन वीज विभाग स्थापन करण्याचे प्रस्ताव त्वरित तयार करावेत. कामे वेळेवर आणि गुणवत्तेने पूर्ण करावीत. भाविकांचा सन्मान राखणे आणि पंढरपूरचा धार्मिक वारसा सुरक्षित ठेवण्याकडे विशेष लक्ष द्यावे. चंद्रभागा पात्रातील वीज केबल भुयारी करणे; तसेच गर्दीच्या ठिकाणी वायरिंग सुरक्षित करणे या अत्यावश्यक कामांना प्राधान्य द्यावे.अर्धवट व निकृष्ट दर्जाचे काम करणाऱ्या कंत्राटदारांवर तात्काळ कारवाई करावी, असेही बाेर्डीकर यांनी सांगितले.