झाशीतील चार पदवीधर मुलींनी शिवलिंगाशी लग्न केले

 

 

 

रेखा, वरदानी, कल्याणी आणि आरती या चार पदवीधर मुलींनी उत्तर प्रदेशातील झाशीच्या माैरानीपूर भागात शिवलिंगाशी लग्न केले आहे. लग्न झालेल्या मुली पारंपरिक पाेशाखात आल्या हाेत्या आणि वधूंप्रमाणे सजल्या हाेत्या. शिवलिंगालाही वराच्या पगडीप्रमाणे पगडी घातली हाेती.माैरानीपूर येथील कुंज बिहारी पॅलेसमध्ये ब्रह्माकुमारी आश्रमाने आयाेजित केलेल्या या समारंभात, चारही मुलींनी शिवलिंगाला वर मानून वैदिक पद्धतीने माला चढवली आणि आजीवन ब्रह्मचर्य आणि सेवेचे व्रत घेतले.लग्न समारंभात नंदी देखील उपस्थित हाेता. हे लग्न भक्ती, त्याग आणि आध्यात्मिक समर्पणाचे एक उदाहरण बनले आहे. या अनाेख्या घटनेची सर्वत्र चर्चा हाेत आहे. या साेहळ्याच्या व्हायरल व्हिडिओमध्ये एकामागून एक मुली भगवान शिवाच्या शिवलिंगाला हार घालत असल्याचे दिसून येते. त्या बदल्यात त्यांना हारही घालण्यात येत आहे. यानंतर, मुली शिवलिंगाला आलिंगन देत आहेत.ब्रह्माकुमारी आश्रमाच्या प्रतिनिधींनी सांगितले की, हे लग्न म्हणजे सांसारिक बंधनांपासून दूर जाऊन आत्म्याच्या शुद्धतेकडे आणि देवाशी एकात्मतेकडे पहिले पाऊल आहे.