राज्यात सर्वसमावेशक कर्कराेग सेवा उपलब्ध हाेणार

 

 

 

कर्कराेगाचे वाढते प्रमाण व कर्कराेग उपचाराचे गांभीर्य विचारात घेता राज्यातील नागरिकांना सर्वसमावेशक कर्कराेग सेवा राज्य शासनाकडून उपलब्ध करून देण्यात येणार आहेत.केंद्राच्या आराेग्य मंत्रालयाने दिलेल्या सूचनेनुसार ‘आसाम कॅन्सर केअर माॅडेलच्या’ धर्तीवर राज्यात त्रिस्तरीय समग्र कर्कराेग उपचार सेवा एल 1, एल 2, एल 3 उपलब्ध हाेणार आहेत. एल 1 या स्तरात टाटा स्मारक रुग्णालय शिखर संस्था म्हणून काम करणार आहे. एल 2, एल 3 या स्तरावर असणाऱ्या या रुग्णालयांत कर्कराेगासंबंधित प्रशिक्षित मनुष्यबळ निर्माण करणे, तसेच या आजाराविषयी संशाेधनात प्रगती करण्यात येणार आहे. वैद्यकीय शिक्षण व औषधी द्रव्य विभागाने याबाबत धाेरण निश्चित केले आहे.एल 2 स्तरावर कायमस्वरूपी संपूर्ण कर्कराेग शिक्षण व सेवा असेल.

 

त्यात छत्रपती संभाजीनगर, चंद्रपूर, नागपूर, मुंबई (जे.जे.), काेल्हापूर, पुणे (बैरामजी जिजीभाॅय शासकीय महाविद्यालय), नांदेड येथील सात शासकीय महाविद्यालयांशी संलग्नित रुग्णालये, नाशिक व अमरावतीतील सार्वजनिक आराेग्य विभागाच्या अखत्यारितील दाेन संदर्भ सेवा रुग्णालयांचा यात समावेश आहे.एल 3 स्तरात कर्कराेग निदान आणि डे- केअर रेडिओथेरपी व किमाेथेरपी युनिट्स कार्यरत राहतील.अंबाजाेगाई, यवतमाळ, मुंबई (कामा व आल्ब्लेस रुग्णालय), सातारा, बारामती, जळगाव व रत्नागिरीच्या शासकीय महाविद्यालयांशी संलग्नित सात रुग्णालये, ठाणे जिल्हा रुग्णालय संलग्नित व शिर्डी संस्थानचे रुग्णालय, अशी एकूण नऊ केंद्रे एल 3 म्हणूनकार्यरत हाेतील. एल 2 स्तरामध्ये व एल 3 स्तरामध्ये एकूण 18 रुग्णालये कार्यरत असतील.

 

एल 2 व एल 3 स्तरावरील आराेग्य संस्थांना आवश्यकतेनुसार मनुष्यबळ उपलब्ध करुन देणे, संस्थांचे व्यवस्थापन करणे, पीपीपी धाेरण राबवणे, तसेच इतर अनुषंगिक बाबी पार पाडणे आदींसाठी मुख्यमंत्र्यांच्या अध्यक्षतेखाली कंपनी कायदा, 2013 मधील सेक्शन-8 अंतर्गत महाराष्ट्र कॅन्सर केअर, रिसर्च अँड एज्युकेशन फांउडेशन महाकेअर फांउडेशन ((MHCRE Foundation)) ही कंपनी स्थापन करण्यात येणार आहे.आवश्यकतेनुसार संबंधित जिल्ह्यांच्या पालकमंत्र्यांना निमंत्रित सदस्य म्हणून यात समाविष्ट करण्यात येईल.