सकारात्मक शिस्तच मुलांच्या भविष्याची पायाभरणी : भुसे

 

 

 

 

 

 

‘शिस्त ही भीतीतून नाही, तर विश्वासातून निर्माण झाली पाहिजे.सकारात्मक शिस्त हीच मुलांच्या उज्ज्वल भविष्याची खरी पायाभरणी आहे,’ असे प्रतिपादन शालेय शिक्षण मंत्री दादा भुसे यांनी केले. या अनुषंगाने त्यांनी सकारात्मक शिस्त याविषयी शिक्षण परिषदेचे आयाेजन करण्याचे निर्देश शालेय शिक्षण विभागाला दिले आहेत. डिसेंबरच्या पहिल्या आठवड्यात शिक्षण परिषदेचे आयाेजनहाेणार आहे.राज्यात काही शाळांत विद्यार्थ्यांवरील शारीरिक शिक्षेचे प्रकार समाेर येत असून, याबाबत गंभीर चिंता व्य्नत केली जात आहे. विद्यार्थ्यांचे मानसिक आराेग्य, सुरक्षित वातावरण आणि शिक्षक-विद्यार्थी नातेसंबंध अधिक मजबूत करण्याच्या उद्देशाने शालेय शिक्षण विभागाने महत्त्वपूर्ण पाऊल उचलले आहसर्व जिल्हे, तालुके आणि केंद्र स्तरावरील शिक्षण परिषदांत सकारात्मशिस्त या विषयावर किमान 45 मिनिटांचे विशेष सत्र आयाेजिण्याचे निर्देश देण्यात आले आहेत.

 

या मार्गदर्शन सत्रात विविध मुद्यांवर चर्चा केली जाणार असून, त्यात शारीरिक शिक्षेबाबत शिक्षण अधिकार अधिनियमातील तरतुदी व शिक्षकांची जबाबदारी, शिक्षेचे प्रकार व स्वरूप, शिक्षेचे परिणाम, शिक्षेचा मनावर व मेंदूवर हाेणारा परिणाम, विविध शैक्षणिक विचारवंत व त्यांचे सकारात्मक शिस्तीचे विचार, सकारात्मक शिस्त तत्त्वे व त्यांची अंमलबजावणी, संवाद सहकार्य व समुपदेशन यावर आधारित वर्ग व्यवस्थापन, याेग्य शिस्तीचे मार्ग, सकारात्मक शिस्तीचे तंत्र व उपक्रम आदी मुद्यांचा समावेश असेल. या संदर्भात अधिक माहितीसाठी राज्य शैक्षणिक संशाेधन व प्रशिक्षण परिषदेने विकसित केलेल्या मुख्याध्यापक मार्गदर्शिका भाग दाेनमधील सकारात्मक शिस्त-एक आव्हान या लेखाचा आधार घेण्याचे सुचवण्यात आले आहे.