रेड झाेन झाला, तर बांधकामे बंद हाेणार : पालिकेचा इशारा

 

 

 

मुंबईतील बांधकामांसाेबतच बेकऱ्यांमुळे प्रदूषण वाढत असून, धुके आणि धूलिकणांनी यात आणखी भर पडली आहे. दरवर्षी नाेव्हेंबर आणि डिसेंबरमध्ये प्रदूषण वाढत असून, यंदाही प्रदूषणाचा विळखा कायम राहणार आहे. त्यातच एखाद्या परिसरात सलग तीन दिवस हवेच्या गुणवत्तेचा निर्देशांक 300 वर नाेंदवला गेला, तर संबंधित परिसर रेड झाेन घाेषित केला जाणार असून, तेथील बांधकामे बंद करण्याचा इशारा महापालिकेने दिला आहे.मुंबईच्या हवेच्या गुणवत्तेचा निर्देशांक मंगळवारी आणखी खालावला. दक्षिण मुंबईपासून पूर्व व पश्चिम उपनगरांत ठिकठिकाणी नाेंदवण्यात आलेल्या प्रदूषणामुळे मुंबईतील दृश्यमानता कमी झाली हाेती. इथिओपियाच्या ज्वालामुखीच्या राखेचे कण हवेद्वारे वाहून आले असले तरी ते मुंबईवर वाहून आलेले नाहीत.

 

गुजरात, राजस्थानवरील पट्ट्यात त्याचा प्रभाव दिसला. महत्त्वाचे म्हणजे हे राखेचे कण वातावरणात अत्यंत वरच्या उंचीवर हाेते. मुंबईत नाेंदवण्यात आलेले प्रदूषण ज्वालामुखीच्या राखेच्या कणांचे नाही, असे हवामान तज्ज्ञांनी स्पष्ट केले आहे.नाेव्हेंबर, डिसेंबरमध्ये प्रदूषणाचे प्रमाण वाढते. कारण हवा स्थिर राहते.हवामानातील बदलामुळे प्रदूषण वाढू नये म्हणून बांधकामांना नाेटीस देण्यापासून प्रदूषण करणाऱ्या बेकऱ्या बंद करण्याची कारवाई सुरू असते. प्रदूषण हाेऊ नये म्हणून उपाययाेजना सुरू असून, गेल्या वर्षी नाेंदवण्यात आलेल्या प्रदूषणामुळे कुलाबा, भायखळा आणि बाेरिवलीतील बांधकामे बंद केली हाेती. या वर्षीही ही कारवाई सुरूच राहील.