पालकांच्या कृतिशीलतेतून पाल्यांमध्ये वाचनसंस्कृती रुजेल : प्रशांत वि. गाैतम

 

 

 

वाचनाने भाषा व अभिव्य्नती विकसित हाेते. निर्णयक्षमता सुधारते. वाचनसंस्कृती ही भविष्यासाठीची गुंतवणूक आहे. पालकांनी पाल्यांसमाेर पुस्तक वाचन, घरात पुस्तकांचा संग्रह असणे व मुलांना पुस्तक प्रदर्शनात घेऊन जाणे, अशा कृतिशीलतेतून पाल्यांमध्ये वाचन संस्कृती रुजेल, असे मत बालसाहित्यिक प्रशांत वि. गाैतम यांनी येथे व्यक्त केले. वाचनसंस्कृती आणि पालकांची भूमिका या विषयावर माहिती व जनसंपर्क महासंचालनालयाच्या संचालक कार्यालयात आयाेजित व्याख्यानात गाैतम बाेलत हाेते.माहिती संचालक डाॅ. गणेश मुळे अध्यक्षस्थानी हाेते.बालकांच्या 6 ते 18 वर्ष वयाेगटातील तीन टप्प्यांनुसार कुतूहल जागवणारी पुस्तके, विचारास चालना व चाैकस बनवणारी पुस्तके आणि मुलांचे मानसशास्त्र विकसित करून प्रेरणादायी ठरणारी पुस्तके पालकांनी मुलांना द्यावीत. आधुनिक तंत्रज्ञानाच्या युगात कृत्रिम बुद्धिमत्ता आणि समाज माध्यमांचा याेग्य वापर करून वाचनसंस्कृती वृद्धिंगत करता येईल, असेही गाैतम यांनी सांगितले. डाॅ. मुळे यांनी प्रास्ताविकात वाचनसंस्कृतीचे महत्त्व अधाेरेखित केले. माहिती अधिकारी रितेश भुयार यांनी सूत्रसंचालन केले, तर सहायक संचालक पल्लवी धारव यांनी आभार मानले.