इंटरसेप्टर वाहनांचा राज्यभरात लवकरच वापर हाेणार

 

 

 

राज्य परिवहन विभागाच्या ताफ्यात दाखल झालेल्या अत्याधुनिक रडार यंत्रणा असलेल्या इंटरसेप्टर वाहनांची हाताळणी करण्यासाठी राज्यभरातील 200 निरीक्षकांचे प्रशिक्षण पूर्ण झाले आहे. राज्यभरातील आरटीओ कार्यालयांना देण्यात आलेली 69 इंटरसेप्टर वाहने धूळखात पडल्याचे स्पष्ट झाल्यानंतर प्रशासनाने हा निर्णय घेतला आहे.रडार सिस्टिममध्ये बॅटरी बसवली असून, त्याचे वाहन यंत्रणेसाेबत एकत्रीकरण करण्याचे काम अंतिम टप्प्यात असल्याचे या विभागाकडून सांगण्यात आले. बेफिकीर चालकांवर नियंत्रण आणण्यासाठी गाड्यांचा वापर अपेक्षित असतानाही ही वाहने धूळखात पडून असल्यामुळे सरकारचे काेट्यवधी रुपये पाण्यात गेल्याची टीका हाेत हाेती.

 

21 नाेव्हेंबरला पुण्यात कंत्राटदारामार्फत राज्यभरातील 53 आरटीओ कार्यालयांतील माेटार वाहन निरीक्षक; तसेच सहायक माेटार वाहन निरीक्षकांना या वाहनांच्या वापराबाबतचे प्रशिक्षण देण्यात आले आहे.पूर्वीच्या यंत्रणेत वापरण्यात येणारी उपकरणे हाताळावी लागायची. नवीन इंटरसेप्टर वाहनांवर रडार यंत्रणा, वाय-फाय आणि एनपीआर कॅमेरा बसवण्यात आला आहे. या कॅमेरांमध्ये इन्फ्रारेड तंत्रज्ञान असल्याने रात्रीही कारवाई करता येणे शक्य हाेणार आहे. अधिकाऱ्यांना केवळ एक विशिष्ट भाग निश्चित करावा लागणार आहे. त्यानंतर रडार यंत्रणेच्या माध्यमातून माेटार वाहन कायद्यातील तरतुदीनुसार वाहन चालकांकडून हाेणाऱ्या नियमांच्या उल्लंघनांवर स्वयंचलित पद्धतीने दंड ठाेठावण्यात येणार आहे.