जायकवाडी जॅकवेलवर 3700 अश्वश्नतीची माेटार; एका तासात ओढणार 45 लाख लिटर पाणी

 

 

 

नवीन पाणीपुरवठा याेजनेंतर्गत जायकवाडी धरणातील जॅकवेलवर शनिवारी 3700 अश्वश्नती क्षमतेची पहिली विद्युत माेटार क्रेनच्या साह्याने बसवण्यात आली. ही माेटार एका तासात 45 लाख लिटर पाणी ओढणार आहे. पाणीपुरवठा याेजनेंतर्गत हा माेठा टप्पा आहे. जॅकवेलच्या पहिल्या टप्प्याचे काम पूर्ण झाले असून, जॅकवेलमध्ये पाणी उपसा करण्यासाठी दाेन पंप बसवण्यात आले आहेत.त्यावरील स्लॅबचे काम पूर्ण झाल्यानंतर 3700 अश्वश्नतीची विद्युत माेटार बसवण्याचे काम नुकतेच करण्यात आले. 80 टन क्षमता असलेल्या क्रेनच्या साह्याने 16 टन क्षमतेची विद्युत माेटार उचलून पंपावर बसवण्यात आली. त्यासाठी कंपनीच्या तज्ज्ञ अभियंत्यांना व कामगारांना बाेलावण्यात आले हाेते. जीवन प्राधिकरणाच्या मुख्य अभियंता मनीषा पलांडे आणि कार्यकारी अभियंता तुषार टेकवडे विद्युत माेटार बसवण्यासाठी उपस्थित हाेते. क्रेनच्या साह्याने पंपावर विद्युत माेटार बसवल्यानंतर याेग्य रीतीने ती बसवली आहे किंवा नाही, हे तपासण्यात आले. अखेर विद्युत माेटार बसवण्यात आल्याचे तज्ज्ञांनी स्पष्ट केले. जॅकवेलचे काम अंतिम टप्प्यात आले आहे. पहिल्या टप्प्याचे काम पूर्ण झाले असून, दुसऱ्या टप्प्याचेही काम पूर्ण हाेत आहे. जॅकवेलमध्ये पाणी घेण्यापूर्वी त्याची स्वच्छता करण्याचे काम हाती घेण्यात आले आहे. सायफन पद्धतीने पाणी आणण्यात येईल.