पर्सनल आणि प्राेफेशनल लाइफ सांभाळताना

 

 

 

आजकाल पर्सनल आणि प्राेफेशनल लाईफचा बॅलेन्स ठेवणे खूप कठीण झाले आहे. वाढती स्पर्धा, कामाचे बदलते स्वरूप आणि वेगवान टेक्नाॅलाॅजी यामुळे माणसे कामासाठी 24 तास उपलब्ध आहेतच असे समजले जाते. यामुळे घर आणि काम हे वेगळे न राहता, ऑफिसच घर आणि घरच ऑफिस अशी काहीतरी विचित्र परिस्थिती तयार झाली आहे आणि ज्याचे वाईट परिणाम दिसू लागले आहेत.

 

1.सुट्टीचे महत्त्व : आठवड्यातून एक सुट्टी आवश्यक आहेच. त्या एक दिवशी अजिबात कामाचे फाेन आणि कामाचा विचार करू नका, अगदी काही इमर्जन्सी तयार झाली तरच फाेन घ्या किंवा काम करा.या सुट्टीच्या दिवशी आराम करा, घरात शांत पडून राहा.आवडते पुस्तक वाचत बसा. आवडती गाणी ऐका, कुठेतरी फिरायला जा, स्वत:साेबत वेळ घालवा.

 

2.तुमचे आराेग्य महत्त्वाचे : अगदी कितीही काम असलं आणि काहीही झालेलं असलं तरी व्यायाम अजिबात चुकवू नका. शरीर नीट राहिले तर पुढच्या सगळ्या गाेष्टी करायला अर्थ आहे. आणि नियमित व्यायाम केल्यामुळे तुमचे शारीरिक आणि ध्यान धारणेमुळे तुमचे मानसिक आराेग्य छान राहते.

 

3.नियाेजन महत्त्वाचे : राेजच्या दिवसाचे एक नियाेजन निश्चित तयार करा. यामुळे तुमची एनर्जी याेग्य दिशेने वापरता येईल आणि तुम्हाला रिकामा वेळ देखील मिळेल. नियाेजन केल्यामुळे कामे वेळेच्या वेळी पार पाडता येतात, उरलेल्या वेळात स्वत:च्या काैशल्यांवर अधिक काम करता येते. केवळ इतकेच नाही तर आपले काम आणि घर साेडून आपल्या भवतालात अजूनही काही महत्त्वाच्या गाेष्टी असतात त्याकडे लक्ष देता येते.

 

4.टेक्नाॅलाॅजीला द्या ब्रेक : माेबाइल, साेशल मीडिया या गाेष्टी आपल्या राेजच्या जगण्याच्या भाग झाल्या आहेत. या सगळ्याला किती महत्त्व द्यायचं याचा एकदा विचार केला पाहिजे. हळूहळू दर महिन्याला मग दर पंधरा दिवसाला आणि नंतर मग दर आठवड्याला जरा साेशल मीडियातून ब्रेक घ्यायला शिका. याची तुम्हाला नक्कीच मदत हाेईल.

 

5.प्राधान्यक्रम ठरवा : पर्सनल आणि प्राेफेशनल लाइफचा बॅलन्स न ठेवता येण्याचे मुख्य कारण म्हणजे तुमचे काम करिअर, बिझनेस, महत्त्वाकांक्षा इत्यादी आणि लाइफस्टाइल, आराेग्य, आनंद, रिकामा वेळ, कुटुंब, तुमची आध्यात्मिक जाणीव या ज्या गाेष्टी आहेत, त्यांचे प्राधान्यक्रम आपण जाेपर्यंत आपण ठरवत नाही ताेपर्यंत हे संतुलन येऊच शकणार नाही.

त्यामुळे आपण कशासाठी काय करत आहाेत हा प्रश्न सतत स्वत:ला विचारला पाहिजे.