परमवीर चक्र विजेते कॅ. यादव यांनी ‘दगडूशेठ’ गणपतीचे दर्शन घेतले

 

 

 

कारगिल युद्धात केलेल्या अतुलनीय कामगिरीबद्दल सर्वाेच्च अशा परमवीर चक्र सन्मानाने गाैरवण्यात आलेले कॅप्टन याेगेंद्रसिंह यादव यांनी श्रीमंत दगडूशेठ हलवाई गणपतीचे दर्शन घेतले.मंदिरात त्यांच्या हस्ते गणरायाची आरती करण्यात आली. श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळाच्या वतीने कॅप्टन याेगेंद्रसिंह यादव यांचे स्वागत व सन्मान करण्यात आला. यावेळी ट्रस्टचे अध्यक्ष सुनील रासने, काेषाध्यक्ष महेश सूर्यवंशी, राजाभाऊ पायमाेडे, मंगेश सूर्यवंशी, राेहित लाेंढे यांच्यासह संजय भाेसले, किशाेर येनपुरे आदी उपस्थित हाेते. ‘दगडूशेठ’ हे असे गणपती बाप्पा आहेत, जे भक्ताच्या नावाने ओळखले जातात. देवतांमध्ये गणेशाचे स्थान सर्वाेच्च असून, करुणा, रिद्धी, सिद्धी, ज्ञानाचे ते प्रतीक आहेत. वेगळ्या प्रकारची शांती दगडूशेठ मंदिरात मिळते. गणपती बाप्पाने जे ज्ञान दिले आहे, ते जास्तीत जास्त लाेकांपर्यंत पाेहाेचवता येईल, असा माझा प्रयत्न आहे. पर्यावरणासह मानवतेला नवी चेतना देणारा दगडूशेठ गणपती ट्रस्ट आहे. भारतवासीयांवर गणेशाची कृपा सदैव राहाे आणि सर्वत्र सुख शांती नांदाे, अशी प्रार्थना कॅ.यादव यांनी गणेशाचरणी केली.