चित्रनगरी उभारणीने नाशिकच्या विकासाला चालना

 

 

 

‘पंतप्रधान नरेंद्र माेदी यांनी देशाला जागतिक मनाेरंजन क्षेत्राचे केंद्र बनवण्याचा दृष्टिकाेन मांडला आहे. महाराष्ट्राने या क्षेत्रात आघाडी घ्यावी, या उद्देशाने नाशिक चित्रनगरी प्रकल्प निर्णायक ठरेल. या प्रकल्पामुळे स्थानिक कलाकार, तंत्रज्ञ, लघुउद्याेग, हाॅटेल व्यवसाय, पर्यटन, वाहतूक व सेवा क्षेत्रात माेठ्या प्रमाणात राेजगार निर्माण हाेतील.नाशिकच्या सर्वांगीण, आर्थिक आणि सांस्कृतिक विकासाला नवे बळ मिळेल,’ असा विश्वास उपमुख्यमंत्री अजित पवार यांनी व्य्नत केला. नाशिकमध्ये चित्रपटसृष्टी उभारण्यासाठी शासन सकारात्मक आहे.यासाठी नेमलेल्या तज्ज्ञ सल्लागारांचा अहवाल आल्यानंतर त्यातील व्यवहार्यता तपासून त्याबाबतचा प्रस्ताव तातडीने सादर करण्याचे निर्देश पवार यांनी दिले.

 

पवार यांच्या अध्यक्षतेखाली सह्याद्री अतिथिगृहात नाशिक चित्रनगरी प्रकल्पासंदर्भात बैठक झाली. या बैठकीस अन्न व नागरी पुरवठा मंत्री छगन भुजबळ, ऑनलाईनद्वारे सांस्कृतिक कार्यमंत्री आशिष शेलार, वित्त विभागाचे अपर मुख्य सचिव ओ. पी. गुप्ता, महसूल विभागाचे अपर मुख्य सचिव विकास खारगे, नियाेजन विभागाचे प्रधान सचिव साैरभ विजय, उपमुख्यमंत्र्यांचे सचिव डाॅ. राजेश देशमुख, सांस्कृतिक कार्य विभागाचे सचिव किरण कुलकर्णी, महाराष्ट्र चित्रपट, रंगभूमी आणि सांस्कृतिक विकास महामंडळाच्या यवस्थापकीय संचालक स्वाती म्हसेपाटील, नाशिकचे विभागीय आयु्नत डाॅ.प्रवीण गेडाम, नाशिकचे जिल्हाधिकारी जलज शर्मा यांच्यासह चित्रपट क्षेत्राशी संबंधित पदाधिकारी उपस्थित हाेते.

 

भारतीय चित्रपटसृष्टीचे जनक दादासाहेब फाळके यांची नाशिक ही जन्मभूमी आहे.त्यामुळे नाशिकला चित्रपटसृष्टी उभारणे ही फक्त सांस्कृतिक दृष्टीनेच नव्हे, तर आर्थिक, पर्यटन आणि प्रादेशिक विकासाच्या दृष्टीनेही महत्त्वाची बाब आहे. महामार्ग, रेल्वे, विमान वाहतूक आणि कुंभमेळ्याच्या निमित्ताने झालेल्या पायाभूत सुविधा या सर्व घटकांमुळे चित्रनगरीच्या निर्मितीसाठी नाशिक सर्वार्थाने अनुकूल आहे.या प्रकल्पाची तांत्रिकदृष्ट्या व्यवहार्यता तपासण्यासाठी तज्ज्ञ सल्लागार संस्थेची नेमणूक करण्यात आली आहे. त्यांचा अहवाल आल्यानंतर त्यातील निष्कर्षांच्या आधारे प्रस्ताव तयार करण्याचे निर्देश पवार यांनी दिले.