‘शासन आपल्या दारी’द्वारे सहज लाभ मिळावेत

 

 

 

 

शासन आपल्या दारी’ याेजनेची प्रभावी अंमलबजावणी करण्यासाठी महालाभार्थी पाेर्टलचा उपयाेग करून घेण्यात येणार असून, यामुळे या याेजनेची व्याप्ती वाढणार आहे. सह्याद्री अतिथिगृहात याबाबत सादरीकरण करण्यात आले.जास्तीत जास्त नागरिकांना सहज सुलभ लाभ मिळावेत म्हणून या पाेर्टलचा उपयाेग व्हावा, अशी सूचना मुख्यमंत्री एकनाथ शिंदे यांनी केली. यावेळी उपमुख्यमंत्री देवेंद्र फडणवीस यांनीही महत्त्वाच्या सूचना केल्या.बैठकीस मुख्य सचिव मनाेज साैनिक, वित्त विभागाचे अपर मुख्य सचिव डाॅ.नितीन करीर, ग्रामविकास विभागाचे अपर मुख्य सचिव राजेशकुमार, जलसंधारण विभागाचे अपर मुख्य सचिव, तसेच इतर वरिष्ठ अधिकारी उपस्थित हाेते.

 

प्रारंभी या अभियानाची जबाबदारी सांभाळणारे मुख्यमंत्र्यांचे खासगी सचिव डाॅ. अमाेल शिंदे यांनी ही याेजना कशा रीतीने राबवण्यात येत आहे याची माहिती सादरीकरणाद्वारे दिली. एमकेसीएलतर्फे विवेक सावंत यांनी महालाभार्थी पाेर्टलचे सादरीकरण केले.शासन आपल्या दारी’ हा उपक्रम प्रत्येक जिल्ह्यात सुरू असून, एकाच ठिकाणी एका छताखाली नागरिकांना वेगवेगळे लाभ मिळावेत अशा रीतीने याची याेजना करण्यात आली आहे.आता याशिवाय महालाभार्थी पाेर्टलमधून नागरिक स्वत: किंवा प्राधिकृत केंद्रावर आपली माहिती भरून याेजनेचा लाभ घेऊ शकणार असल्याने याची व्याप्ती वाढेल, असा विश्वास मुख्यमंत्र्यांनी व्यक्त केला.

एमकेसीएलने ‘महालाभार्थी’ हे पाेर्टल तयार केले आहे.

 

नागरिकाने या पाेर्टलमध्ये स्वतःची माहिती सादर केल्यानंतर, काेणत्या शासकीययाेजनांसाठी हा नागरिक पात्र ठरू शकेल याची संभाव्य यादी उपलब्ध हाेते. या प्रत्येक याेजनेसाठी नागरिकाने काेठे संपर्क साधणे अपेक्षित आहे व आवश्यक कागदपत्रे काेणती, याचीही माहिती नागरिकास मिळते. यामुळे नागरिक सहजपणे संबंधित याेजनांसाठी अर्ज करू शकताे. जिल्ह्यातील एमएससीआयटी केंद्र, सीएससी केंद्र, इतर संगणक प्रशिक्षण केंद्रांना यासाठी प्राधिकृत करण्यात येईल.या केंद्रांच्या नावांना प्रसिद्धी दिली जाईल, जेणेकरून नागरिक जवळच्या केंद्रावर जाऊन ‘महालाभार्थी’ पाेर्टलवर नाेंदणी करून लागू हाेणाऱ्या शासकीय याेजनांची माहिती विनामूल्य मिळवू शकतील.