भूतानचे राजे जिग्मे वांगचूक यांची मुख्यमंत्री शिंदे यांनी घेतली सदिच्छा भेट
Total Views |
भूतानचे राजे जिग्मे खेसर नामग्याल वांगचूक भारत भेटीवर आले आहेत.यादरम्यान मुख्यमंत्री एकनाथ शिंदे यांनी त्यांची येथे सदिच्छा भेट घेतली.अपर मुख्य सचिव भूषण गगराणी, मनीषा म्हैसकर, उद्याेग विभागाचे प्रधान सचिव डाॅ. हर्षदीप कांबळे, पर्यटन व सांस्कृतिक विभागाच्या सचिव जयश्री भाेज आदींसह राज्य शासन आणि भूतानचे वरिष्ठ अधिकारी उपस्थित हाेते. मुख्यमंत्र्यांनी भूतानचे राजे जिग्मे वांगचूक यांना गणेशमूर्ती आणि छत्रपती शिवाजी महाराजांची मूर्ती भेट देऊन राजे जिग्मे वांगचूक यांचा सत्कार केला. महाराष्ट्र आणि भूतानमध्ये समान सांस्कृतिक वारसा आहे.दरवर्षी अजिंठा, वेरूळच्या लेण्यांना भूतानचे पर्यटक भेट देतात, तर महाराष्ट्रातील पर्यटकांचे भूतान आवडीचे ठिकाण आाहे. भूतानमध्ये गुंतवणूक व आर्थिक प्रकल्पांना चालना देण्यासाठी विशेष प्रशासकीय क्षेत्र कार्यान्वित करण्यात येईल.त्यामुळे महाराष्ट्र आणि भूतानमधील संबंध दृढ हाेण्यास मदत हाेईल. भूतानबराेबरील परस्पर हिताच्या आणि द्विपक्षीय सहकार्याच्या दृष्टीने महाराष्ट्र भूतानला सर्व सहकार्य करेल, असे मुख्यमंत्र्यांनी सांगितले