कर्क

 

 

1 जानेवारी 2023 ते 31 डिसेंबर 2023

 

 

 

कर्क

 

सुयशाचे शिखर गाठू शकाल; असामान्य लाभाचे वष कर्क राशी चक्रातील चाैथी रास आहे. ‘खेकडा’ हे या राशीचे प्रतीक आहे.‘चंद्र’ या ग्रहाचे या राशीवर स्वामित्व आहे. ही चर रास आहे. स्त्री रास आहे. जल रास आहे व बहुप्रसव रास आहे. या राशीवर चंद्राचा अंमल असल्यामुळे चंद्राची शीतलता व प्रसन्नता या राशीत आहे. अतिशय संवेदनक्षम अशी ही रास आहे.व्यक्तीच्या मनावर, व्यक्तिमत्त्वावर, स्वभावावर, मनाेवृत्तीवर परिणाम करणारी ही रास आहे. या राशीमध्ये सतत चढ-उतार हाेत असतात. भावनाप्रधानता, स्वभावाचा मनस्वीपणा, उत्कटता हे या राशीचे वैशिष्ट्य आहे. क्षणात हसू, तर क्षणात रडणे, क्षणात प्रसन्नता, तर क्षणात औदासीन्य, कधी उत्साह, तर कधी निरुत्साह, अशी क्षणाक्षणाला मूड बदलणारी ही रास आहे.आपण मनाने शुद्ध असता, सात्त्विक असता, निर्मळ असता, विशुद्ध मन ही परमेश्वराने आपल्याला दिलेली देणगी आहे.

 

हळवेपणा, भावाकूल वृत्ती, अत्यंत संवेदनक्षमता, नाजूकपणा ही आपल्या स्वभावाची वैशिष्ट्ये आहेत. राजकारणात, समाजकारणात, सार्वजनिक जीवनात कर्क व्यक्ती या अधिक पुढे आलेल्या दिसून येतील. जनमानसावर, जनसामान्यांच्यावर कर्क व्यक्तींची अधिक छाप पडते.सामाजिक कार्याची आवड, देशप्रेम, राष्ट्रप्रेम या गाेष्टी कर्क व्यक्तींकडे अधिक सापडतात. भारतीय राजकारणात कर्क व्यक्ती अधिक पुढे आलेल्या दिसतात.आकर्षक व्यक्तिमत्त्व, राष्ट्रप्रेम, देशप्रेम, प्रसन्न व तेजस्वी व्यक्तिमत्त्व, सम ाजप्रियतेची आवड, यामुळे राजकारणात यांच्याकडे नेतृत्व आपाेआप चालून येते.यांच्याकडे खरीखुरी धर्मनिरपेक्षता असते. या राशीचे दुसरे महत्त्वाचे वैशिष्ट्य म्हणजे एकाचवेळी पारिजातकासारखे काेमल मन व प्रसंगी वज्रासारखी कठाेर मनाेवृत्ती यांच्याकडे असते. कर्क व्यक्ती या जन्मजात नेत्या असतात. मुत्सद्दी असतात, शहाण्या असतात, दूरदर्शी असतात व यांच्याकडे द्रष्टेपणा असताे. नेतृत्व, प्रभुत्व, अधिकार, उच्चपद या सर्व गाेष्टी यांच्याकडे चालून येतात.

 

भूमीवर, देशावर आपले निस्सीम प्रेम असते. कर्क व्यक्ती अचानकपणे, अनपेक्षितपणे जगात पुढे येतात. समूहाचे, जनतेचे नेतृत्व करू शकतात व आपल्या कर्तृत्वाने असामान्य लाेकप्रियता मिळवतात. आपली कल्पनाशक्ती, स्मरणशक्ती, आपली कार्यपद्धती छाप पाडणारी व भारदस्त असते. कर्क व्यक्तींकडे एकप्रकारची संमाेहन शक्ती असते. कर्क व्यक्ती ज्या संस्थेत, ज्या पक्षात असतात, त्या ठिकाणी मन लावून, जीव ओतून काम करतात. गतिमान पद्धत, लाेकांची नाडी, लाेकांचे मन, लाेकांचे अंत:करण जाणून घेण्याचे लाभलेले जन्मजात नैपुण्य, पुढे येणाऱ्या गाेष्टीचा वेध घेण्याची शक्ती, गतिमानता, स्वभावातील लवचिकता, क्षमाशीलता, सत्त्वशीलता व प्रामाणिकपणा, पारदर्शक स्वभाव, संघटन काैशल्य, यामुळे कर्क व्यक्तींनी जगाच्या इतिहासावर आपली मुद्रा उमटविलेली आहे.

 

कर्क राशीच्या व्यक्तींचे महत्त्वाचे वैशिष्ट्य म्हणजे क्षमा आणि शांती. दीर्घकाळ रागावणे, सूडबुद्धीने वागणे, दीर्घ द्वेष करणे या गाेष्टी कर्क व्यक्तींच्याकडे असत नाहीत. क्षमाशीलता हा कर्क व्यक्तींचा महत्त्वाचा गुण असताे. औदार्य, सहनशीलता, शांतपणा, ममताळूपणा, कनवाळूपणा, वात्सल्य या गुणांमुळे कर्क स्त्रिया उत्तम संसार करू शकतात. एखादी व्यक्ती दु:खात किंवा संकटात सापडली असेल, तर कर्क व्यक्तीच्या मनात तत्काळ सहानुभूती निर्माण हाेते. संकटात सापडलेल्या व्यक्तींना आत्मीयतेने व आपुलकीने मदत करण्यात कर्क व्यक्ती आघाडीवर असतात.एखाद्या ुलांच्या गुच्छामध्ये अनेक ुले असतात, त्याप्रमाणे कर्क व्यक्तीच्या परिवारामध्ये वेगवेगळ्या स्वभावाची, उलटसुलट स्वभावाची, अनेक धर्माची, अनेक सांप्रदायाची माणसे असतात. कर्क व्यक्तींचा मित्र परिवार माेठा असताे.

 

सर्वसमावेशक वृत्ती, क्षमाशीलता, न्यायप्रियता, नि:स्वार्थी व निरपेक्ष वृत्ती, यामुळे जनतेचे प्रेम यांना आपाेआप मिळते. कर्क व्यक्ती आनंदी व भविष्यकाळाविषयी आशावादी असतात. सर्वांना सांभाळून घेण्याकडे त्यांचा कल असताे. लाेकांच्या चुका, त्यांच्या उणिवा, त्यांच्यातील अपुरेपण हे या सर्व गाेष्टी समजून घेऊन ते आपल्या सभाेवतालच्या लाेकांवर प्रेम करतात. बेरजेचे राजकारण करण्याचा त्यांचा स्वभाव असताे.काेणतीही गाेष्ट मध्येच साेडून न देण्याचा आपला स्वभाव असताे. आपल्या राशीचे प्रतीक खेकडा आहे. खेकड्याने एखादी वस्तू आपल्या पंजात घेतली की, ती ताे साेडत नाही. त्याप्रमाणे काेणत्याही ध्येयाला किंवा विचाराला कर्क व्यक्ती चिकटून बसल्या, की त्या ध्येयाशी कायमपणे निगडित राहतात. कर्क व्यक्ती या आदर्शवादी असतात.

 

इतिहास, राजकारण, समाजकारण, राज्यशास्त्र यांची यांना आवड असते. कर्क राशी ही जलतत्त्वाची रास असल्यामुळे यांना निसर्गसाैंदर्याचे, समुद्राचे, नद्यांचे आकर्षण असते.ही चर रास असल्यामुळे कर्क व्यक्तींना अधिकांश प्रवास आवडताे. देशपरदेशांत प्रवास केलेल्यांमध्ये कर्क व्यक्ती अधिक आढळून येतील. आनंदाने, प्रसन्नपणे, गतिमानतेने काम करणे हा स्वभाव असल्यामुळे कर्क व्यक्ती जगात यशस्वी हाेतात. चतुर्थस्थान हे मातेचे स्थान आहे व नैसर्गिक कुंडलीत चतुर्थ स्थानचे स्वामित्व हे चंद्राकडे असल्यामुळे मातेप्रमाणे ही रास ममताळू व कनवाळू अशी आहे. यामुळेच कर्क स्त्रिया या आपल्या मुलांच्यावर, पतीवर निस्सीम प्रेम करू शकतात.