वीजबिल भरणाऱ्या ग्राहकांचे ऊर्जामंत्री डॉ. नितीन राऊत यांनी मानले आभार

Sandyanand    12-Jul-2020
Total Views |

rty_1  H x W: 0 
 
कल्याण परिमंडलात ग्राहकांशी संवाद सुरूच; वेबिनार, ग्राहक मेळावे यांचा वापर
 
लॉकडाऊन व नंतरचा जून या तीन महिन्यांचे एकत्रित वीजबिल अचूक असल्याचे समजून सांगण्यात मुख्य अभियंत्यांसह वरिष्ठ अधिकारी, अभियंते व कर्मचारी कल्याण परिमंडलात व्यस्त आहेत. यासंदर्भात https://billcal. mahadiscom.in/consumerbill/  या लिंकवर  प्रत्येक ग्राहकाला वीजबिलाची पडताळणी करण्याची सुविधा उपलब्ध करून देण्यात आली आहे. परिमंडलातील सर्वच ४० उपविभागात वेबिनार, ग्राहक शिबिरे, मोबाईल व प्रत्यक्ष संवादाद्वारे ग्राहकांशी संपर्क सुरू आहे. वीजबिल भरणाऱ्या सर्व ग्राहकांचे ऊर्जामंत्री डॉ. नितीन राऊत यांनी आभार मानले आहेत.
 
महावितरणच्या कल्याण परिमंडलात कल्याण पूर्व-पश्चिम, डोंबिवली पूर्व-पश्चिम, उल्हासनगर, बदलापूर, मुरबाड, शहापूर, अंबरनाथ, वसई, वाडा, आचोळे, विरार, नालासोपारा, बोईसर, डहाणू, जव्हार, पालघर, मोखाडा, सफाळे, विक्रमगड, तलासरी आदी भागातील सर्वच ४० उपविभागीय कार्यालयांकडून वेबिनार, ग्राहक मेळावे, नोंदणीकृत मोबाईल व प्रत्यक्ष संवादाद्वारे ग्राहकांना वीजबिलाची माहिती देण्याचे काम सुरू आहे. मुख्य अभियंता दिनेश अग्रवाल, अधीक्षक अभियंते धर्मराज पेठकर, सुनील काकडे, किरण नगावकर, मंदार अत्रे (प्रभारी) यांच्यासह वरिष्ठ अधिकारी, अभियंते व कर्मचारी ग्राहकांना वीजबिल समजावून देण्याच्या प्रक्रियेत गेल्या तीन आठवड्यांपासून, सुटी न घेता व्यस्त आहेत. वीजबिलाच्या विश्लेषणावर समाधानी झालेल्या ग्राहकांनी बिलाचा भरणा करून सहकार्य केले असून, इतर ग्राहकांनीही उपलब्ध सुविधांचा उपयोग करून बिलाची पडताळणी करण्याचे आवाहन महावितरणने केले आहे.