कोरोनाच्या विषाणूला घाबरू नका; सावधगिरी बाळगा

एलिझाबेथ लिहितात, कोणीही मोठ्या सुलभपणे त्याच्या तावडीत सापडू शकतो. मी कोणाच्या घरी एका पार्टीत गेले होते. तेथे कोणाला खोकला किंवा ताप नव्हता. नंतर समजले की, पार्टीत येणारे ४०% लोक तीन दिवसांच्या आत आजारी पडले. जरी मी आधीपासूनच अनेक वेळा हात धूत होते, पण माझ्या दृष्टीने त्यापासून वाचण्याचा परिणामकारक उपाय मनुष्याच्या संपर्कात येण्यापासून दूर राहाणे हाच आहे. त्याची लक्षणे डोकेदुखी, ताप आणि थकवा यांच्या रूपातही दिसतात. जी शरीर आणि वय यावरही अवलंबून असतात. 

वरिष्ठ पल्मोनरी एक्सपर्ट डॉ. विवेक नांगिया सांगतात, खूप आवश्यक आहे की प्रवास कमी करा. खोकला, ताप, सर्दी असेल तर वेगळे राहा. खोकला आला किंवा शिंक आली तर टिश्यू पेपरमध्ये करा. आणि त्याला डस्टबिनमध्ये टाका. पाणी पीत राहा. सतत डोळे, नाक किंवा तोंड यांना स्पर्श करू नका.

फोर्टिस हॉस्पिटलशी निगडीत डॉ. राहुल भार्गव यांच्यानुसार, हा व्हायरस सर्वांसाठी प्राणघातक नाहीये. पण तपासणी आवश्यक आहे. घरगुती उपाय रोगप्रतिकारक्षमता वाढविण्यासाठी मदत करू शकतात. पण व्हायरसला मारण्यासाठी नाही. किडनी, हृदय, अस्थमा आणि कँसरच्या रोग्यांनी विशेष लक्ष द्यावे. अतिशय आवश्यक असल्यासच घराबाहेर जा.