निसर्गसंपन्न माजुली बेट

 

एकेकाळी जगातील सर्वांत माेठे नदीतील बेट अशी ओळख असणारे माजुली बेट. त्या वेळी या बेटाचा परिसर 1250 चाैरस किलाेमीटरचा हाेता.मात्र ब्रह्मपुत्रेच्या वेळाेवेळी पात्र बदलण्यामुळे या बेटाचा बराचसा भाग नदीत बुडला असून, आता 400 चाैरस किलाेमीटरचा भाग शिल्लक राहिला आहे. आजही पावसाळ्यात हे बेट नदीच्या पुरात बुडते.आसामच्या ब्रह्मपुत्रा नदीत वसलेले माजुली बेट हे अनेक कारणांनी प्रसिद्ध आहे. निसर्गसाैंदर्य, हिरवीगार भातशेती, येथील आदिवासी रहिवासी, स्थलांतरित पक्ष्यांचे माहेरघर, सांस्कृतिक वारसा जपणारे ठिकाण, अशा अनेक कारणांनी हे बेट ओळखले जाते. भारतातील सुंदर पर्यटनस्थळांपैकी माजुली एक असले तरी येथे पर्यटकांसाठी खास साेयी नाहीत. चांगली हाॅटेल्स नाहीत मात्र पूर्वकल्पना दिली असेल तर येथे हाेम स्टेची सुविधा मिळू शकते. स्थलांतरित पक्ष्यांचे हे माहेरघर.

 

अनेक प्रकारचे पक्षी येथे पाहता येतात व त्यामुळे पक्षी निरीक्षकांचे ते आवडते स्थळ आहे.जानेवारी ते मार्च हा त्यासाठी उत्तम काळ. सुमारे दीड लाख लाेकसंख्येचे हे बेट. येथे बहुतांशी आदिवासी जमातीच आहेत. आपला सांस्कृतिक वारसा त्यांनी फार चांगल्या प्रकारे जपला आहे.शेती हा येथला मुख्य व्यवसाय असून, येथे खते व किटकनाशके न वापरता सुमारे 100 प्रकारच्या तांदळाचे उत्पादन हाेते.येथील हातमागावरील विणकाम फारच प्रसिद्ध असून, जगप्रसिद्ध मुंगा सिल्कपासून येथे अनेक कपडे बनविले जातात. मातीची सुंदर घटांची भाजून बनविलेली भांडी हेही येथील एक वैशिष्ट्य. या भांड्यांना आंतरराष्ट्रीय प्रसिद्धी मिळाली आहे.नाेव्हेंबरमध्ये येथे साजरा हाेत असलेला रास फेस्टिव्हल हा तीन दिवसांचा उत्सव पाहण्यासाठी अनेक पर्यटक येतात. या उत्सवात या बेटावरील सर्व नागरिक भाग घेतात. श्रीकृष्णाचा हा उत्सव कार्तिकी पाैर्णिमेला साजरा हाेताे. या उत्सवासाठी फारच अप्रतिम मुखवटे बनविले जातात. त्यानंतर बाेटींची रेस हाेते. हा काळही या बेटाला भेट देण्यासाठी चांगला असताे.