आय ड्रॉप्स टाकताना अनेकजण विचित्र हावभाव का करतात ?

 

स्वतःच्या डाेळ्यात औषधाचे थेंब टाकताना अनेकांच्या चेहऱ्यावर नकळत ताण येताे आणि विचित्र हावभाव हाेतात.

याचे प्रमुख कारण म्हणजे ही साधी वाटणारी क्रिया प्रत्यक्षात आपल्या मज्जासंस्थेसाठी आव्हानात्मक असते.

 

डाेळ्यात औषधाचा थेंब अचूकपणे टाकण्यासाठी चेहऱ्याच्या अत्यंत संवेदनशील भागाजवळ ड्राॅपर आणावा लागताे. अशा वेळी स्वतःवर नियंत्रण ठेवण्याचा आपण जाणीवपूर्वक प्रयत्न करताे. परिणामी, चेहऱ्याचे स्नायू नकळत ताणले जातात.

काही जण या प्रयत्नात ताेंडही उघडतात.

 

अत्यंत बारकाईने आणि अचूकपणे एखादी हालचाल करताना चेहऱ्यावर जसे अनैच्छिक हावभाव उमटतात, तसाच हा प्रकार आहे.

एखादी विशिष्ट क्रिया करताना मेंदू केवळ त्यासाठी आवश्यक असलेल्या स्नायूंनाच सक्रिय करताे असे नाही. एखाद्या अवघड किंवा अत्यंत अचूक हालचालीवर आपण लक्ष केंद्रित करताे, तेव्हा त्यासाठी आवश्यक नसलेले इतर स्नायूही नकळत सक्रिय हाेऊ शकतात. विशेषतः चेहऱ्याचे स्नायू अशा प्रतिक्रियेला अधिक संवेदनशील असतात. यात आणखी एक महत्त्वाची बाब म्हणजे डाेळ्याची नैसर्गिक संरक्षणात्मक प्रतिक्रिया.

 

ड्राॅपर डाेळ्याजवळ येताच पापणी आपाेआप मिटण्याचा प्रयत्न करते. ही एक स्वाभाविक प्रतिक्षिप्त क्रिया आहे. मात्र, औषधाचा थेंब डाेळ्यात टाकताना आपल्याला ही प्रतिक्रिया जाणीवपूर्वक राेखावी लागते. पापणी मिटू न देता डाेळा उघडा ठेवायचा, ड्राॅपर याेग्य ठिकाणी नेम धरून आणायचा आणि थेंब अचूकपणे डाेळ्यात टाकायचाया सर्व क्रिया एकाच वेळी कराव्या लागतात. त्यामुळे डाेळ्यांच्या भाेवतीचे स्नायू, कपाळ आणि ताेंडाच्या आसपासच्या स्नायूंवर ताण येताे.

 

याच ताणामुळे डाेळ्यात औषध टाकताना नकळत भुवया उंचावणे, कपाळावर आठ्या पडणे, ताेंड उघडणे किंवा चेहऱ्यावर इतर विचित्र हावभाव उमटणे अगदी स्वाभाविक आहे. थाेडक्यात : डाेळ्यात औषध टाकताना हाेणारे हे हावभाव मुद्दाम केलेले नसतात; ते मेंदू, मज्जासंस्था आणि डाेळ्याच्या नैसर्गिक संरक्षणात्मक प्रतिक्रियेच्या एकत्रित क्रियेमुळे संध्यानंद.काॅम नकळत घडतात.