प्रत्येकाकडे आता स्वतःचा 'एआय' वैयक्तिक सहाय्यक असेल : झुकरबर्ग

 

कॅलिफाेर्निया, 2 ऑगस्ट (वि.प्र.) ः

 

‘मेटा’चे सीईओ मार्क झुकरबर्ग यांनी भविष्यवाणी केली आहे की, पुढील पाच वर्षांत जगभरातील अब्जावधी लाेकांकडे स्वतःचा एआय वैयक्तिक सहाय्यक असेल. हा पीए त्यांच्या दैनंदिन जीवनात त्यांच्यासाेबत असेल आणि त्यांना विविध कामांमध्ये मदत करेल. भविष्यात, एआय केवळ प्रश्नांची उत्तरे देणारे साधन राहणार नाही, तर ते प्रत्येकासाठी वैयक्तिक मदतनीस म्हणून काम करेल.

 

झुकरबर्ग म्हणाले की, मेटा एका अशा एआय सहाय्यकावर काम करत आहे, जाे प्रत्येक व्यक्तीच्या सवयी, आवडीनिवडी आणि गरजा समजून घेऊन त्यांना दिवसाचे 24 तास मदत करेल. सध्या, एआयचा वापर प्रामुख्याने काेडिंग आणि तांत्रिक कामांसाठी केला जात आहे; परंतु मेटा सामान्य माणसासाठी एआयला साेपे आणि उपयुक्त बनवण्यावर लक्ष केंद्रित करत आहे.

 

एआय आराेग्य ट्रॅकिंग, पैशांचे व्यवस्थापन, प्रवास नियाेजन, वेळापत्रक व्यवस्थापन आणि इतर अनेक लहान- माेठ्या कामांमध्ये मदत करेल. ‘मेटा’चे व्हाॅट्सअ‍ॅप, मेसेंजर आणि इन्स्टाग्रामसारखे प्लॅटफाॅर्म या एआय असिस्टंटसाठी मुख्य माध्यम असतील. सध्या, मेटा एआय अनेक व्यवसायांसाठी उपलब्ध करून देण्यात आले आहे. त्यापैकी, 10 लाखांहून अधिक व्यवसाय दर आठवड्याला बिझनेस असिस्टंटचा वापर करत आहेत.