चीनमध्ये हसवण्याचा ४०० अब्ज डॉलर्सचा व्यवसाय

 

चीनमधील तरुणांमध्ये एकटेपणा आणि भविष्याबद्दलच्या चिंतेमुळे नैराश्य वाढले आहे. त्यामुळे बीजिंगमध्ये ‘भावनिक मूल्या’चा 400 अब्ज डाॅलर्सचा म्हणजेच सुमारे 29,600 अब्ज रुपयांचा व्यवसाय तेजीत आहे. लू झाओयूसारखे तरुण माउंट ताईवर पर्यटकांना हसवून आणि भेटवस्तू देऊन त्यांना आनंदी करतात. 30 वर्षीय ए लँग देखील मध्य चीनमध्ये लाेकांना हसवताे. साेशल मीडियावर अशा सेवांच्या जाहिराती वाढल्या आहेत, जे तरुण पिढीची मनःशांतीसाठी खर्च करण्याची प्रवृत्ती दर्शवतात.

 

चीनचा साेशल मीडिया आता भावनिक मूल्याच्या जाहिरातींनी ओसंडून वाहत आहे. भविष्याबद्दलच्या चिंतेमुळे तरुण पिढीमध्ये एकटेपणा वाढत आहे आणि नैराश्याचे प्रमाणही वाढले आहे.

 

दुसरीकडे, भावनिक मूल्याद्वारे लाेकांना हसवण्यापासून ते भेटवस्तू देऊन त्यांना आनंदी करण्यापर्यंतचा आनंदाचा बाजार वाढत आहे. एका अंदाजानुसार, चीनमधील या प्रकारच्या व्यवसायाने 400 अब्ज डाॅलर्सचा म्हणजेच सुमारे 29,600 अब्ज रुपयांचा टप्पा ओलांडला आहे.

 

चीनच्या नवीन पिढीने भाैतिक गाेष्टींवर खर्च करण्याऐवजी मानसिक शांततेवर अधिक खर्च करण्यास सुरुवात केली आहे.

चीनमधील तरुण पिढी भविष्याबद्दल चिंतित आहे. नवीन पिढी उत्साहात जगते आहे. ते आपले दिवस भविष्याच्या चिंतेत घालवतात.

दुसरीकडे, काही तरुण आनंदाचा व्यवसाय करत आहेत. लू झाओयू नावाचा एक तरुण चीनमधील प्रसिद्ध पर्वत माउंट ताईवर चढण्यासाठी इतर पर्यटकांना मदत करताे.

 

ताे इतर पर्यटकांना हा पर्वत चढण्यासाठी एक पॅकेज देताे, पण हे केवळ पर्वत चढण्याचे पॅकेज नाही. ताे वाटेत पर्यटकांना हसवताे. ताे त्यांना भावनिक आधार देताे.

ताे त्यांना भेटवस्तू देताे, ताजी फळे देताे.

 

ताे त्यांच्याशी बाेलताे. यासाठी ताे 100 डाॅलर शुल्क आकारताे आणि एवढा खर्च करूनही लाेक आनंदाने त्याच्यासाेबत जातात. ए लँग नावाचा 30 वर्षांचा तरुण मध्य चीनमध्ये वेगवेगळ्या कलाकारांची वेशभूषा करून लाेकांना हसवताे. ताे केवळ त्यांना हसवत नाही, तर त्यांना एक संपूर्ण भावनिक अनुभव देताे.