तिकीट तपासनीसांसाठीही आता जीपीएस यंत्रणा

मुंबई, 28 ऑगस्ट (आ.प्र.) :

मध्य रेल्वेच्या मुंबई विभागातील ट्रॅकमनना रुळांवरील गस्त प्रभावीपणे हाेत आहे का, याची खातरजमा करण्यासाठी जीपीएस यंत्रणा उपलब्ध करून दिली आहे. आता पश्चिम रेल्वे मुंबई सेंट्रल विभागातील तिकीट तपासणी कर्मचाऱ्यांसाठी जीपीएस-आधारित स्मार्ट जॅकेटची अंमलबजावणी करण्याच्या तयारीत आहे. याद्वारे तिकीट तपासनीस (टीसी) नेमके कुठे कार्यरत आहेत, याची माहिती घेतली जाईल.

 

 

नमस्ते अभियान या संकल्पनेंतर्गत हा उपक्रम राबवण्यात येत आहे. प्रवाशांशी नम्र, व्यावसायिक व जबाबदारीने संवाद साधण्यावर त्यात भर देण्यात आला आहे. तसेच विशेष घटना ध्वनिचित्रित केल्या जाणार आहे. जीपीएस व कॅमेऱ्यासाेबत तिकीट तपासणी कर्मचाऱ्यांसाठी विशेष स्वरूपाचे काेटही तयार करण्यात येत आहेत.