देशात दुचाकी बाजारात प्रथमच दहा टक्के इलेक्ट्रिक बाईक्सची विक्री

भारतातील आधुनिक इलेक्ट्रिक दुचाकी क्रांतीला बराेबर दहा वर्षे पूर्ण हाेत असताना एक नवीन विक्रम प्रस्थापित झाला आहे. जून 2026 मध्ये दुचाकी बाजारपेठेत इलेक्ट्रिक वाहनांचा वाटा प्रथमच 10% च्या पुढे गेला आहे.

 

ओला, एथर, राॅयल एनफिल्ड, बजाज आणि टीव्हीएस यांसारख्या प्रमुख कंपन्यांच्या नवीन उपक्रमांमुळे ई-बाईक बाजारपेठेतील स्पर्धा तीव्र झाली आहे. वाहन पाेर्टलच्या आकडेवारीनुसार जून महिन्यात एकूण 15.60 लाख दुचाकींची नाेंदणी झाली. यापैकी केवळ इलेक्ट्रिक दुचाकींचा वाटा 1,62,321 (10.36%) हाेता. गेल्या वर्षी याच महिन्यात हा वाटा केवळ 7.28% हाेता. ताे आता वाढून 10.36% झाला आहे.

 

यापूर्वीच्या महिन्यात, मे 2026 मध्ये हा आकडा 9.18% हाेता. तथापि नीती आयाेगाने 2022 मध्ये असा अंदाज वर्तवला हाेता की, 2027 या आर्थिक वर्षापर्यंत देशातील 100% दुचाकी इलेक्ट्रिक असतील. त्यांनी असेही म्हटले हाेते की, 2024 पर्यंत सरकारी अनुदान काढून टाकले तरीही 2031 पर्यंत हा आकडा 72% पर्यंत पाेहाेचेल. मॅकिन्से या सल्लागार संस्थेचा अंदाज आहे की, भारतातील इलेक्ट्रिक दुचाकींची बाजारपेठ आणखी वेगाने वाढेल आणि 2030 पर्यंत 50% पर्यंत पाेहाेचेल

.

प्रमुख कंपन्या आता इलेक्ट्रिक माेटरसायकल बाजारात माेठी गुंतवणूक करत असल्याने बाजाराची सध्याची समीकरणे बदलणार आहेत. ओला इलेक्ट्रिकने आपल्या ई-बाईक्स परवडणाऱ्या आणि किफायतशीर किमतीत सादर केल्या आहेत. राॅयल एनफिल्ड येत्या काही आठवड्यांत आपली पहिली इलेक्ट्रिक माेटरसायकल लाॅन्च करणार आहे. एथर एनर्जीनेही आपल्या ई-बाईक्सची अधिकृत घाेषणा केली आहे. बजाज आणि टीव्हीएसही फार मागे नाहीत. दाेन्ही कंपन्या वेगाने आपल्या स्वतःच्या इलेक्ट्रिक माेटरसायकल्स विकसित करत आहेत. अमेरिका-इराण युद्ध सुरू झाल्यापासून या क्षेत्रात सलग तेजी दिसत आहे.