बीएमसी हवेच्या गुणवत्तेचे माेजमाप खासगी कंपनीकडे साेपवणार

 

मुंबई, 24 जुलै (आ.प्र.) : मुंबईतील सांताक्रूझ येथील बीएमसीच्या वायू गुणवत्ता निरीक्षण आणि संशाेधन प्रयाेगशाळेचे तांत्रिक कामकाज एका खासगी कंपनीकडे साेपवण्यात येणार आहे. बीएमसीच्या या प्रयाेगशाळेत वैज्ञानिक कर्मचाऱ्यांची कमतरता असल्याने मुंबईच्या हवेच्या गुणवत्तेवर देखरेख ठेवण्याची जबाबदारी खासगी कंपनीकडे साेपवण्यात आली आहे.

 

बीएमसीच्या पर्यावरण विभागात मंजूर झालेल्या 52 पदांच्या तुलनेत केवळ 11 अधिकाऱ्यांची नियुक्ती करण्यात आली आहे. वायू गुणवत्ता निरीक्षण केंद्रांची संख्याही आवश्यकतेपेक्षा कमी आहे, त्यामुळे प्रदूषणावर देखरेख ठेवण्याची महत्त्वाची कामे बाह्यस्राेतांना देण्याचा निर्णय घेण्यात आला आहे. या संदर्भातील प्रस्ताव बुधवारी (22 जुलै) स्थायी समितीमध्ये मंजूर करण्यात आला. याबाबत बीएमसीच्या एका वरिष्ठ अधिकाऱ्याने सांगितले की, मुंबईतील हवेच्या गुणवत्तेवर सातत्याने लक्ष ठेवले जाते, त्यामुळे प्रयाेगशाळेचे काम थांबू नये यासाठी खासगी कंपनीची नियुक्ती करण्याचा निर्णय घेण्यात आला आहे.

 

मुंबईचे क्षेत्रफळ लक्षात घेता, केंद्रीय प्रदूषण नियंत्रण मंडळाने 48 ते 50 हवा गुणवत्ता निरीक्षण केंद्रे असावीत, असे सुचवले आहे. शहरात सध्या केवळ 33 सतत वातावरणीय हवा गुणवत्ता निरीक्षण केंद्रे आहेत. बीएमसीने वर्षभरापूर्वी चार स्वयंचलित माेबाइल हवा गुणवत्ता सर्वेक्षण व्हॅनला मंजुरी दिली असली तरी, सध्या केवळ एकच माेबाइल व्हॅन कार्यरत आहे. मुंबईचा पर्यावरण स्थिती अहवाल (एडठ) दरवर्षी 31 जुलैपर्यंत सादर करावा लागताे. हा एडठ अहवाल तयार करण्याचे कामही एका खासगी कंपनीला साेपवण्यात आले आहे. मुंबईतील निरीक्षण केंद्रांमधून हवेचे नमुने गाेळा केले जातील आणि त्यांचे विश्लेषण खासगी कंपनीकडून केले जाईल. ही कंपनी शहरातील चार मॅन्युअल हवा निरीक्षण केंद्रे, पाच सतत निरीक्षण केंद्रे आणि माेबाइल केंद्रे देखील चालवेल. खासगी कंपनीला काम देण्यासाठी बीएमसीने जानेवारी 2025 मध्ये निविदा काढली हाेती.

 

तथापि, पुरेसा प्रतिसाद न मिळाल्याने डिसेंबर 2025 मध्ये नवीन निविदा काढण्यात आली. हे कंत्राट केवळ तांत्रिक कामांसाठी असून नागरी बांधकामाचे काम खासगी कंपनीला साेपवण्यात आलेले नाही, असे प्रस्तावात म्हटले आहे. हा खर्च महसुली खर्च म्हणून वर्गीकृत करण्यात आला आहे.