ऐसे अत्तम गुण। जेणे बाणे खूण। सर्वज्ञपणाची ।।१।।
Total Views |
मागचा समास नकारात्मक हाेता, तर हा ‘‘उत्तमलक्षण’’ समास उपदेशात्मक आहे. मागे मूर्खाची लक्षणे केवळ सांगून श्रीसमर्थ थांबत नाहीत, तर या समासात ‘‘जगात वागावे कसे’’ यांचे मार्गदर्शन करीत आहेत. हे मार्गदर्शन केवळ पारमार्थिक नाही, तर अगदी आपल्या राेजच्या जगण्याम ध्येसुद्धा उपयाेगी ठरेल असे प्रापंचिकसुद्धा आहे.
आधी प्रपंच करावा नेटका । मग साधावे परमार्थ विवेका ।।
ज्याला प्रपंच नाही करता आला । त्याचा परमार्थ ढिला पडला ।।
प्रपंची जाे अप्रमाण । परमार्थी खाेटा ।।
असा उपदेश करणाऱ्या श्रीसमर्थांचा प्रपंचही नेटकेपणाने करण्यावर भर आहे. हे नेटकेपण केवळ देहबुद्धीचे नाही, तर प्रपंचातील आपल्या कर्तव्याचे आहे. जाे प्रपंचात अयशस्वी झाला, हतबल ठरला ताे परमार्थातही यशस्वी हाेणार नाही. म्हणूनच श्रीसमर्थ या समासात जीवनाच्या या दाेन्ही अंगासंबंधी सम्यक मार्गदर्शन करीत आहेत.