एआय डबिंगमुळे चित्रपट प्रत्येक भाषेत मूळ स्वरूपात दिसतील
Total Views |
मुंबई, 23 जुलै (आ.प्र.) : दाक्षिणात्य चित्रपट असाेत किंवा माेठे हाॅलिवूड चित्रपट, डबिंगमुळे आता प्रेक्षक आपल्या स्वतःच्या भाषेत चित्रपटांचा आनंद घेऊ शकतात; पण अनेकदा एक गाेष्ट लगेच लक्षात येते की पडद्यावरील कलाकाराचे ओठ आणि ऐकू येणारा आवाज एकसारखा नसताे. आता एआय या समस्येवर उपाय घेऊन येत आहे.
चित्रपटसृष्टी आता ‘एआय’ तंत्रज्ञानाचा अवलंब करत आहे, जे केवळ दुसऱ्या भाषेत कलाकाराचा आवाज तयार करू शकत नाही, तर भाषेनुसार लिप सिंक (ओठांची हालचाल) देखील बदलू शकते. यामुळे डबिंग अधिक नैसर्गिक वाटते. प्रेक्षकांना असे वाटते की अभिनेता खराेखरंच त्याच भाषेत बाेलत आहे.
हे तंत्रज्ञान व्हाॅइस क्लाेनिंग आणि एआय लिप सिंकचा वापर करते. व्हाॅइस क्लाेनिंगद्वारे, मूळ कलाकाराचा बाेलण्याचा सूर, लय आणि शैली कायम ठेवून दुसऱ्या भाषेत संवाद तयार केला जाताे. त्यानंतर व्हिडिओमधील ओठांची हालचाल नवीन आवाजाद्वारे मिळवली जाते.