पर्यावरण वाचवणे ही आपली जबाबदारी
Total Views |
आपल्या आसपासचे नैसर्गिक आवरण म्हणजे पर्यावरण. संपूर्ण जीवसृष्टीचे अस्तित्व पर्यावरणावर अवलंबून आहे. नैसर्गिक पर्यावरण अनेक विजातीय किंवा विविध घटकांचे बनलेले असते. प्रत्येक जीवाची सर्व क्रिया नैसर्गिक पर्यावरणावर आधारित असते.
पर्यावरणाच्या सुरक्षेचा प्रश्न खूप गंभीर बनला आहे. जगातील अनेक देश पर्यावरणासाठी चिंतेत आहेत, पण अजूनही जागरूकता कमी आहे. जागतिक पर्यावरण दिन पाच जून राेजी साजरा केला जाताे. मानव आपल्या उपभाेग आणि चैन (माैजमजा) करण्याच्या वस्तूंसाठी पर्यावरणाचे नुकसान करणारा ठरला आहे.
पर्यावरणासाठीचे नैसर्गिक संसाधने म्हणजे झाडे, जंगलातील वृक्षांचा अतिरेकी नाश हाेत आहे. सध्या सुरू असलेली युद्धे सुद्धा नैसर्गिकरित्या जमिनीत गाडलेल्या खनिजांसाठी हाेत आहेत, ज्यामुळे पर्यावरण दूषित हाेत आहे. वृक्षांच्या नाशाने पाण्याचीही टंचाई निर्माण हाेत आहे.
ही सर्व कारणे तर सर्वांना ठाऊक आहेत, पण खरी कारणे काेणी स्वीकारायला तयार नाही किंवा त्याकडे लाेकांचे लक्ष नाही. प्रत्येक व्यक्ती यासाठी जबाबदार आहे. प्रत्येक व्यक्ती पर्यावरणाचे नुकसान खूप माेठ्या प्रमाणावर करत आहे. जगातील देश पर्यावरणासाठी पावले उचलतात, पण केवळ काही झाडे लावल्याने या समस्येचे निराकरण हाेणार नाही, खराेखर मुळ कारणांनाच ठेचले पाहिजे.
आधुनिक यंत्रे (मशिन्स) एकाेणिसाव्या शतकात खूप माेठ्या प्रमाणावर विकसित झाली. त्याचे फायदे विकासासाठी झाले, पण या विकासामुळे पर्यावरणाचे खूप माेठ्या प्रमाणावर नुकसानही झाले आहे, जाे आजचा गंभीर विषय आहे. प्रत्येक व्यक्ती जबाबदार आहे, हे मी यासाठी म्हणताे कारण या आधुनिकतेपासून काेणीही वाचू शकलेले नाही.