30 तास बाेटीचा प्रवास: 68 वर्षीय चिनी व्य्नतीचे दक्षिण काेरियात पलायन

 

 

 

डाेंग ग्वांगपिंग नावाच्या एका 68 वर्षीय चिनी व्यक्तीने अलीकडेच एक पराक्रम केला आहे. ते शांदाेंग प्रांताच्या किनाऱ्यावरून बाेटीने निसटले आणि सलग 30 तासांच्या बाेटीच्या प्रवासानंतर दक्षिण काेरियाच्या किनाऱ्यावर पाेहाेचले. हा त्यांचा स्टंट नव्हता, तर पळून जाण्याची त्यांची याेजना हाेती.डाेंग यांनी त्यांच्या तरुणपणी पाेलीस म्हणून काम केले हाेते. मात्र, सेवानिवृत्तीनंतर त्यांनी सरकारच्या धाेरणांवर जाेरदार टीका करण्यास सुरुवात केली. त्यांनी सरकारविराेधी निदर्शनांमध्येही भाग घेण्यास सुरुवात केली. यामुळे, सरकारने त्यांना निदर्शनांनंतर तुरुंगातही टाकले. मात्र, तुरुंगातून बाहेर येताच, त्यांनी पुन्हा सरकारविराेधी निदर्शनांमध्ये भाग घेण्यास सुरुवात केली.

 

त्यांची पत्नी आणि मुलगी कॅनडामध्ये राहतात. चीनमध्ये त्यांना देश साेडण्याची परवानगी नव्हती, त्यामुळे अधिकृतपणे ते देश साेडू शकत नव्हते, म्हणून त्यांनी सागरी मार्ग निवडला. त्यांनी यापूर्वी तीन वेळा पळून जाण्याचा प्रयत्न केला हाेता; पण ते अयशस्वी ठरले.

व्हिएतनाम, तैवान आणि थायलंडला भेट देण्याची याेजना अयशस्वी झाल्यानंतर, त्यांनी दूरच्या देशांमध्ये सागरी मार्गाने प्रवास करण्याचे ठरवले. अलीकडेच, डाेंग एकटेच बाेटीने दक्षिण काेरियाच्या किनाऱ्यावर पाेहाेचले. मात्र, किनाऱ्यावर पाेहाेचताच दक्षिण काेरियन पाेलिसांनी त्यांना बेकायदेशीर प्रवेश केल्याबद्दल अटक केली.