दिव्यांग व्य्नतींच्या वैश्विक ओळखपत्रांची तपासणी करा

 

 

 

 

 

दिव्यांग व्यक्तींना दिले जाणारे वैश्विक दिव्यांग ओळखपत्र (यूडीआयडी) शासकीय, निमशासकीय नाेकरीतील आरक्षण, विविध शासकीय याेजना, आर्थिक सवलती आणि इतर लाभ मिळवण्यासाठी महत्त्वाचा दस्तावेज आहे. मात्र, अलीकडे काही ठिकाणी बनावट किंवा चुकीच्या तपासणी अहवालांच्या आधारे यूडीआयडी कार्ड मिळवण्याचे प्रकार समाेर आले आहेत. त्यामुळे खऱ्या दिव्यांग व्यक्तींवर अन्याय हाेत असल्याने यूडीआयडी कार्ड जारी करण्यापूर्वी संबंधित वैद्यकीय तपासणी अहवालांची पडताळणी संबंधित संस्थेमार्फत करणे आवश्यक असल्याचे दिव्यांग कल्याण विभागाचे सचिव तुकाराम मुंढे यांनी स्पष्ट केले आहे. चुकीचे किंवा बनावट दिव्यांगत्व प्रमाणपत्र घेणे अथवा देणे हा गुन्हा असून, अशा प्रकरणांत संबंधित व्यक्तींवर कडक कारवाई करण्यात येणार असल्याचेही त्यांनी सांगितले.

 

अलीयावर जंग नॅशनल इन्स्टिट्यूट ऑफ स्पीच अँड हिअरिंग डिसॅबिलिटीज येथे प्रत्यक्ष तपासणी न करता तयार करण्यात आलेले बनावट अहवाल, तसेच संस्थेच्या अधिकृत तपासणीवर आधारित नसलेले अहवाल राज्य व केंद्राच्या विविध सवलती व लाभ मिळवण्यासाठी संबंधित प्राधिकरणांकडे सादर केले जात असल्याचे काही ठिकाणी आढळून आले आहे.या पार्श्वभूमीवर सर्व संबंधित प्राधिकरणांनी यूडीआयडी कार्ड या संस्थेमार्फत जारी केल्याचे दर्शवण्यात येणारे सर्व श्रवण व भाषण तपासणी अहवाल पडताळणीसाठी संस्थेच्या अधिकृत ayjnihh-mumnic. inई-मेल पत्त्यावर पाठवणे अनिवार्य असल्याचे प्रसिद्धिपत्रक अली यावर जंग नॅशनल इन्स्टिट्यूटने काढले आहे.त्यानुसार कार्यालयांनी तात्काळ कार्यवाही करावी, असे निर्देश मुंढे यांनी दिले आहेत.