जेएनपीएवर स्वयंचलित पद्धतीने जहाजांची वाहतूक: अ‍ॅप विकसित

 

 

 

देशातील सर्वाधिक क्षमतेच्या जवाहरलाल नेहरू बंदर प्राधिकरणावरील (जेएनपीए) जहाजांची ये-जा आता स्वयंचलित पद्धतीने हाेणार आहे.यासंबंधी ‘पायलट थगवाल’ हे अ‍ॅप प्राधिकरणाने विकसित केले आहे. यात जहाजांवर रिअल टाइम पद्धतीने देखरेख ठेवणे शक्य हाेणार आहे.जेएनपीए बंदराने गेल्या वर्षी 1 काेटी 10 लाख कंटेनर हाताळणीची क्षमता गाठली.त्यापाठाेपाठ बंदराने गतवर्षात एकूण 79 लाख कंटेनरची हाताळणी केली. त्यात जवळपास 10 ट्न्नयांची वाढ आहे. त्यानुसार बंदरावर कार्गाे घेऊन येणाऱ्या मालवाहू जहाजांचा आकडाही वाढत आहे. त्या पार्श्वभूमीवर हे अ‍ॅप महत्त्वाचे ठरणार आहे.जेएनपीएवर जहाजांची ये-जा अधिक असल्याने हे मार्ग त्यांना नियंत्रण कक्षातून दाखवले जातात.

 

आता या अ‍ॅपमुळे नियंत्रण कक्षाला प्रत्येक जहाजाची माहिती व मार्ग दिसू शकेल. यासाठी जहाजांना प्रत्यक्ष सूचना देण्याऐवजी स्वयंचलित पद्धतीने मार्ग दाखवता येणार आहे.बंदर परिसरात आल्यानंतर त्यांना प्रत्यक्ष जेट्टीपर्यंत आणण्याचे काम करणाऱ्यांना पायलट संबाेधले जाते. या अ‍ॅपमध्ये काेणत्या जहाजावर काेणता पायलट आहे, ताे जहाजात कधी चढला तसेच त्याने निवडलेला मार्ग ही माहितीही हे अ‍ॅप जेएनपीए नियंत्रण कक्षाला देईल. त्यामुळे जहाजांचे वेळापत्रक स्वयंचलित पद्धतीने तयार हाेऊन वाहतूक काेंडी टाळता येणे शक्य हाेईल, असे जेएनपीएने म्हटले आहे. हे अ‍ॅप पूर्णपणे स्वदेशी आहे. राष्ट्रीय तंत्रज्ञान केंद्राने ते तयार केले आहे. या अ‍ॅपमुळे जेएनपीएला स्वत:ची स्वतंत्र एकात्मिक जहाज वाहतूक प्रणालीही विकसित करता आली आहे.