नवी मुंबईचा नवा परिवहन आराखडा हाेणार

 

 

पनवेलसह नवी मुंबई आणि नैनाचा सर्वांगीण विकास लक्षात घेता, सिडकाेने 2054 पर्यंतचा सर्वसमावेशक आणि पर्यावरणदृष्ट्या शाश्वत असा परिवहन आराखडा (सीएमपी) तयार करण्याचा निर्णय घेतला आहे. वेगाने वाढणारी शहरीकरणाची गती, वाढती लाेकसंख्या आणि पर्यावरणीय आव्हानांचा सामना करत, या आराखड्यात सार्वजनिक आणि खासगी वाहतूक, तसेच पादचारी, सायकलस्वार अशा पर्यायांचे एकत्रीकरण साधले जाणार असल्याचे सिडकाेने स्पष्ट केले आहे.विविध पायाभूत सुविधांनी नवी मुंबईतील ठाणे- बेलापूर मार्ग, पाम बीच मार्ग, अटल सेतू, रेल्वे मार्ग, मेट्राे सेवा व बस सेवा यामुळे प्रादेशिक दळणवळण एकमेकांना जाेडले जाणार आहे. नवी मुंबई आंतरराष्ट्रीय विमानतळ, मेट्राे मार्ग क्र. 8, पनवेल-कर्जत रेल्वे व इतर याेजनांमुळे भविष्यात वाहतुकीवर अधिक ताण येणार असल्याने दीर्घकालीन नियाेजन आवश्यक ठरत असल्याने सिडकाेने यात पुढाकार घेतला आहे.

 

सीएमपीमुळे नवी मुंबई आणि नक्षेत्रातील दळणवळण, वाहतूक व्यवस्थापन, रस्ता सुरक्षा, वाहतूक अभियांत्रिकी, तसेच उत्पन्नासाठी केंद्रीय मदतीचा मार्ग माेकळा हाेणार असल्याचे सिडकाेने स्पष्ट केले आहे.दीर्घकालीन दृष्टिकाेनातून हा आराखडा भविष्यातील दळणवळणाच्या गरजांना उत्तरे देणारा ठरेल, असेही सिडकाेचे म्हणणे आहे. सिडकाेने नैना प्रकल्पातील पायाभूत सुविधांसाठी सुमारे 8 हजार काेटींची कामे हाती घेतली असून, त्यासाठी ठेकेदारांची निवड झाली आहे. मात्र, प्रत्यक्ष काम अद्याप सुरू झालेले नाही.नवी मुंबई आंतरराष्ट्रीय विमानतळ, काॅर्पाे रेट पार्क, एराेसिटी, एज्युसिटी, लाॅजिस्टिक पार्क, मेडीसिटी या प्रकल्पांसह निवासी व औद्याेगिक वाढ, या घटकांमुळे नवी मुंबईतील वाहतूक माेठ्या प्रमाणावर वाढणार आहे. या पार्श्वभूमीवर नवी मुंबई क्षेत्रासाठी सिडकाे व अन्य प्राधिकरणांना वैविध्यपूर्ण, सर्वसमावेशक आणि भविष्यसिद्ध परिवहन प्रणाली विकसित करण्यासाठी सीएमपी मार्गदर्शक ठरणार आहे, असे सिडकाेचे उपाध्यक्ष तथा व्यवस्थापकीय संचालक विजय सिंघल यांनी सांगितले.