‘ऑपरेशन सिंदूर’विषयी मंडळांनी जनजागृती करावी

 

 

 

भारताने जगाला ऑपरेशन सिंदूरद्वारे दाखवलेली शक्ती आणि स्वदेशी वस्तूंच्या वापराविषयी सार्वजनिक गणेशाेत्सव मंडळांनी गणेशाेत्सवात जनजागृती करावी. मंडळांनी प्रशासनासाेबत समन्वय ठेवून हा गणेशाेत्सव शांतता व उत्साहपूर्ण वातावरणात साजरा करावा, असे आवाहन मुख्यमंत्री देवेंद्र फडणवीस यांनी केले. ‘ऑपरेशन सिंदूर’वर आधारित देखावे जवानांसाठी समर्पित असण्याची अपेक्षाही त्यांनी व्यक्त केली.गणेशाेत्सवादरम्यान गणेशभक्तांना काेणत्याही प्रकारे अडचणी येणार नाहीत, या पद्धतीने कार्यवाहीच्या सूचनाही मुख्यमंत्र्यांनी प्रशासनाला दिल्या. गणेशाेत्सवानिमित्त कायदा व सुव्यवस्था बैठकीत मुख्यमंत्री बाेलत हाेते. बैठकीस उपमुख्यमंत्री अजित पवार, काैशल्य विकास मंत्री मंगलप्रभात लाेढा, गृह (ग्रामीण) राज्यमंत्री डाॅ.पंकज भाेयर, गृह (शहरे) राज्यमंत्री याेगेश कदम, मुख्य सचिव राजेश कुमार, सार्वजनिक गणेशाेत्सव समन्वय समितीचे अध्यक्ष गणेश दहिबावकर आदी मान्यवर उपस्थित हाेते.

 

मंडळांप्रमाणे मूर्तिकारांनाही सलग पाच वर्षे परवानगी देण्याचे निर्देश देत मुख्यमंत्री म्हणाले, की मूर्तिकारांनी या परवान्यांचे दरवर्षी नूतनीकरण करावे.परवानगीसाठी महापालिकेने सुरू केलेल्या संगणकीय प्रणालीवर आधारित एक खिडकी याेजनेचा लाभ घ्यावा.

गणेशमूर्तींचे विसर्जन करण्यासाठी कृत्रिम तलावांची संख्या आणि उंच मूर्तींचे खाेल समुद्रात विसर्जनासाठी बाेटींची संख्यावाढवण्याच्या सूचनाही त्यांनी दिल्या.मंडळांच्या कार्यालयांसाठी मालमत्ता कराची आकारणी करताना या कार्यालयांचा व्यावसायिक कारणासाठी उपयाेग हाेत नसल्याबाबत मंडळांनी प्रशासनाला लेखी दिल्यास, अशा मंडळांच्या कार्यालयांवर मालमत्ता कराची आकारणी करण्यात येणार नाही, असा निर्णयही यावेळी घेण्यात आला. मुंबई महापालिकेचे अतिरिक्त आयुक्त अमित सैनी यांनी सादरीकरण केले.