तिरुपती व शिर्डीदरम्यान विशेष रेल्वेच्या 18 फेऱ्या

 

 

 

प्रवाशांची वाढती गर्दी लक्षात घेता तिरुपती-साईनगर शिर्डी-तिरुपती दरम्यान धावणाऱ्या विशेष गाडीच्या एकूण 18 फेऱ्या चालवण्यात येणार असल्याची माहिती दक्षिण मध्य रेल्वेच्या नांदेड विभागाच्या जनसंपर्क कार्यालयामार्फत देण्यात आली.या विशेष गाड्या छत्रपती संभाजीनगरमार्गे धावणार आहेत. ही भाविकांसह स्थानिक प्रवाशांसाठी महत्त्वाची साेय ठरणार आहे. ही गाडी तिरुपतीहून ऑगस्टमध्ये 3, 10, 17, 24 व 31 तारखेला आणि सप्टेंबरमध्ये 7, 14, 21 व 28 या तारखेला (दर रविवारी) सकाळी 4 वाजता सुटेल. ही गाडी रेणीगुंटा, गुडूर, नेल्लाेर, गुंटूर, सिकंदराबाद, परळी वैजनाथ, परभणी, छत्रपती संभाजीनगर, नगरसाेल, मनमाड, काेपरगावमार्गे साेमवारी सकाळी 10.45 वाजता शिर्डीला पाेहाेचेल.ही गाडी शिर्डीहून ऑगस्टमध्ये 4, 11, 18 व 25 तारखेला आणि सप्टेंबरमध्ये 1, 8, 15, 22 व 29 या तारखेला (दर साेमवारी) सायंकाळी 19.35 वाजता सुटेल आणि बुधवारी मध्यरात्री दीडला तिरुपतीला पाेहाेचेल. या गाड्यांमध्ये 2 एसी, 3 एसी, स्लीपर आणि सामान्य द्वितीय श्रेणी मिळून एकूण 18 डबे असतील.