राज्यात लवकरच ‘मेडिकल व्हॅल्यू टुरिझम’ याेजना

 

 

 

राज्यात मुंबई, पुणे, छत्रपती संभाजीनगर, नाशिकसह विविध ठिकाणी माेठी सरकारी आणि खासगी रुग्णालये आहेत. तमिळनाडूच्या धर्तीवर राज्यात लवकरच ‘मेडिकल व्हॅल्यू टुरिझम’ याेजना आणत आहाेत. लवकरच त्याला मंत्रिमंडळाची मान्यता मिळेल.तमिळनाडूपेक्षा अधिक चांगले काम राज्यात हाेईल आणि एक नवीन इंडस्ट्री तयार हाेईल, असे आराेग्यमंत्री प्रकाश आबिटकर यांनी सांगितले.छत्रपती संभाजीनगरात आबिटकर यांच्या प्रमुख उपस्थितीत आराेग्य विभागाची आढावा बैठक झाली. त्यानंतर त्यांनी ही माहिती दिली. ‘मेडिकल व्हॅल्यू टुरिझम’ याेजनेचा शासन निर्णय लवकरच येईल. या याेजनेत परदेशातील रुग्णांना राज्यात उपचार, शस्त्रक्रिया व इतर वैद्यकीय सुविधा वाजवी दरात उपलब्ध करून देण्यात येतील. त्यामुळे मेडिकल टुरिझमला चालना मिळेल. त्या अनुषंगाने विविध देशांशी, तेथील रुग्णालयांशी करार केले जातील, असे आबिटकर यांनी सांगितले.

 

महात्मा ज्याेतिराव फुले जनआराेग्य याेजना, ‘ईएसआयसी’ प्रमाणे रुग्णालयांना साेबत घेऊन या याेजनेत काम केले जाईल.महात्मा ज्याेतिराव फुले जनआराेग्य याेजनेत पूर्वी दीड हजार काेटी रुपये खर्च हाेत असे. आता 5 हजार ते साडेपाच हजार काेटी खर्च हाेतात, असे आबिटकर यांनी सांगितले. हिमाेफिलियाच्या रुग्णांसाठी महत्त्वपूर्ण असलेले ‘हेमलिब्रा’ हे औषध लवकरच उपलब्ध हाेईल. या औषधाच्या खरेदीसाठी 4 काेटी रुपयांची ऑर्डर देण्यात आल्याची माहितीही त्यांनी दिली.दरम्यान, आबिटकर यांनी शनिवारी मध्यरात्री शहरात दाखल झाल्यानंतर रात्री 1 वाजता थेट जिल्हा रुग्णालय गाठले.रुग्णांच्या खाटेवरील बेडशीट बदलण्याकडे दुर्लक्ष, बंद किमाेथेरपी सेंटरसह अनेक मुद्द्यांवरून त्यांनी आराेग्य अधिकाऱ्यांची कानउघाडणी केली.