डिसेंबरअखेर मिरा-भाईंदरकरांच्या सेवेत मेट्राे दाखल हाेणार : प्रताप सरनाईक

 

 

या वर्षीच्या डिसेंबरअखेर दहिसर ते काशीमिरा मार्गावर मेट्राे सुरू करण्याचे नियाेजन असून, मिरा-भाईंदरवासीयांसाठी हा आनंदाचा क्षण असणार आहे. 14 वर्षांच्या पाठपुराव्याला यश येत असून, मिरा-भाईंदरवासीयांचे स्वप्न पूर्णत्वास येत आहे, अशी माहिती परिवहन मंत्री प्रताप सरनाईक यांनी दिली. सरनाईक यांनी दहिसर ते काशीमिरा या मेट्राे मार्गाचा पाहणी दाैरा केला. त्यावेळी ते बाेलत हाेते. त्यांच्या साेबत महामेट्राेचे अधीक्षक अभियंता व त्यांचे तंत्रज्ञ सल्लागार कंत्राटदार उपस्थित हाेते. नवीन वर्षात मिरा-भाईंदरवासीयांसाठी छत्रपती शिवाजी महाराज रेल्वे स्थानक, मंत्रालय, विधान भवन येथे जाण्यासाठी मेट्राेची नेटवर्कद्वारे सुविधा उपलब्ध असणार आहे, असे त्यांनी सांगितले.

 

दहिसर काशीमिरा मेट्राे डिसेंबरपर्यंत नेताजी सुभाषचंद्र बाेस मैदानापर्यंत विस्तारित हाेणार आहे. त्याबराेबरच वसई विरार मेट्राेचे कामही लवकरच सुरू करण्यात येईल. त्यामुळे वसई विरारपासून अंधेरी आणि तेथून विमानतळ, स्थानक इंटरचेंजने थेट कुलाब्यापर्यंत मेट्राेची सेवा पुढील काही वर्षांमध्ये सुरू हाेऊ शकते, असा विश्वास सरनाईक यांनी व्य्नत केला. दहिसर ते काशीमिरा या नव्या मेट्राे मार्गाला मेट्राे रेल्वे सुरक्षा आयु्नतांचे (सीएमआरएस) प्रमाणपत्र मिळणे आवश्यक आहे. ते मिळाल्यानंतर डिसेंबरअखेर या नवीन मेट्राे मार्गाचे लाेकार्पण करण्याचे नियाेजन करण्यात येईल, असेही सरनाईक यांनी सांगितले.