प्रतिबंधित पदार्थ वापरणाऱ्यांवर कठाेर कारवाई करावी; झिरवाळ यांचे निर्देश

 

 

 

 

आराेग्याला घातक असलेल्या प्रतिबंधित पदार्थांचा वापर आणि अशा पदार्थांची विक्री राेखण्यासाठी सतर्क राहावे. असे प्रकार आढळल्यास कठाेर कारवाई करण्याचे निर्देश अन्न व औषध प्रशासन मंत्री नरहरी झिरवाळ यांनी दिले. झिरवाळ यांच्या अध्यक्षतेखाली मंत्रालयात अन्न व औषध प्रशासन विभागाची आढावा बैठक झाली. यावेळी आयुक्त श्रीधर डुबे पाटील, सह आयुक्त (दक्षता) डाॅ. राहुल खाडे, सह आयुक्त (अन्न) मंगेश माने उपस्थित हाेते. प्रतिबंधित असलेल्या गुटखा व तत्सम पदार्थांची विक्री शाळा अथवा काेणत्याही परिसरात हाेणार नाही याची दक्षता अधिकाऱ्यांनी घ्यावी. या दृष्टीने वेळाेवेळी काटेकाेर अंमलबजावणीबाबत सूचना देण्यात आल्या आहेत. अधिकारी अक्षम ठरल्यास त्यांच्यावर कारवाई केली जाईल, असा इशारा झिरवाळ यांनी दिला.नागरिकांना स्वच्छ आणि सकस आहार मिळावा. उपाहारगृहे व हाॅटेलच्या ठिकाणी अधिक चांगले वातावरण राहावे, या दृष्टीने लवकरच राज्यात अभियान राबवण्यात येणार असून, यात चांगले काम करणाऱ्यांना गाैरवण्यात येईल.