हुशार लाेक कसे वागतात?

 

 

 

 

प्रगल्भ व्यक्ती चारचाैघात बाेलताना किंवा वागताना शांत आणि समजूतदारपणा दाखवतात, इतरांच्या भावनांचा आदर करतात आणि काेणत्याही परिस्थितीत संयम राखतात. त्या स्वत:च्या चुका मान्य करतात, इतरांच्या चांगल्या गाेष्टींचं काैतुक करतात आणि काेणालाही त्रास हाेणार नाही याची काळजी घेतात. समस्या साेडवण्यावर लक्ष केंद्रित करतात, कठीण परिस्थितीत शांत राहून विचार करतात आणि भावनिक बुद्धिमत्तेचा वापर करून इतरांशी सहानुभूतीपूर्वक वागतात.अशा व्यक्ती नेहमी नवीन गाेष्टी शिकण्यासाठी उत्सुक असतात आणि चुकीची माहिती पसरवण्याऐवजी सत्य तपासण्याचा प्रयत्न करतात.भावनिकदृष्ट्या बुद्धिमान लाेक स्वतःला चांगले ओळखतात आणि स्पष्टतेने आणि आत्मविश्वासाने जीवनात वाटचाल करतात. त्यांना त्यांच्या भावनांची जाणीव असते आणि त्यांचा त्यांच्या कृतींवर आणि त्यांच्या सभाेवतालच्या लाेकांवर प्रभाव पडताे.

 

सतत सावधानता: सावधनता म्हणजे तुमचे आयुष्य आणि ते कशासाठी आहे याबद्दल कायम जागरूक असणे. त्यामुळे हुशार लाेक त्यांच्या मनात नकारात्मक विचारांकडे दुर्लक्ष करून मनातील चांगल्या विचारांवर सतत लक्ष ठेवत असतात. वादळाच्या वेगाने जाणारे हे विचार ते टिपून ठेवत असतात. त्याखेरीज आपल्या जगण्यासाठी काय याेग्य आहे याचा विचार ते करतात आणि त्या विचारांना मूल्यांचा पाया आणि बळकटी देतात.

 

ते स्वतःची तुलना करत नाहीत: या व्यक्तींना स्वतःबद्दल कधी वाईट वाटत नाही. त्यांना माहित असते की प्रत्येक व्यक्तीचा प्रवास वेगळ्या मार्गाने हाेणार आहे त्यामुळे तुमच्या मार्गाची दुसऱ्या कुणाच्या तरी मार्गाची तुलना करणे चुकीचे आहे याची त्यांना कल्पना असते.ते सातत्याने स्वतःचे नवे आणि सुधारित व्यक्तिमत्व सादर करत असतात. यश माेजण्याची त्यांची स्वतःची माेजपट्टी त्यांच्याकडे असते.त्यासाठी ते दुसऱ्या कुणावरही अवलंबून नसतात.