वीज यंत्रणेचे एआय आधारित डिजिटायझेशन; कार्यक्षमतेत वाढ हाेणार

 

 

वीजवितरण यंत्रणेची कार्यक्षमता वाढवण्यासाठी उपकेंद्र, वीजवाहिन्या, राेहित्र आदींचे आर्टिफिशिअल इंटिलिजन्सच्या आधारे डिजिटायझेशन करण्यासाठी महावितरण आणि ग्लाेबल एनर्जी अलायन्स फाॅर पीपल अँड प्लॅनेट (जीईएपीपी, भारत) कंपनीदरम्यान सामंजस्य करार करण्यात आला.महावितरणचे अध्यक्ष व व्यवस्थापकीय संचालक लाेकेश चंद्र आणि जीईएपीपीचे उपाध्यक्ष (भारत) साैरभ कुमार यांनी सामंजस्य करारावर स्वाक्षरी केली.मुख्यमंत्र्यांच्या सूचनेनुसार आधुनिक माहिती-तंत्रज्ञानाचा वापर करून महावितरणची कार्यक्षमता वाढवण्यात येत आहे. त्याचाच एक भाग म्हणून वीज यंत्रणेचे डिजिटायझेशन करण्याचा निर्णय घेण्यात आला आहे.

 

वीज क्षेत्रातील तंत्रज्ञानाचा नवा मानदंड ठरणाऱ्या याडिजिटायझेशनसाठी मुंबईच्या कार्यालयात हा सामंजस्य करार झाला. यावेळी महावितरणचे संचालक सचिन तालेवार, संचालक याेगेश गडकरी, कार्यकारी संचालक धनंजय औंढेकर उपस्थित हाेते.डिजिटायझेशनच्या माध्यमातून वीज यंत्रणेच्या व्यवस्थापनात आणखी अचूकता येईल. त्या आधारे महावितरणची आर्थिक व वीजहानी कमी करण्यासाेबतच ग्राहकांना तत्पर व दर्जेदार वीजपुरवठा करता येईल.यासह हरित ऊर्जेचा वापर व वीज यंत्रणेचे जाळे भ्नकम करण्यासाठी हे डिजिटायझेशन महत्त्वाचे ठरणार आहे, असे लाेकेश चंद्र यांनी सागितले. जीईएपीपीचे उपाध्यक्ष साैरभ कुमार म्हणाले, की महावितरणच्या वीज यंत्रणेचे डिजिटायझेशन व त्या माध्यमातून मिळणारे विविध फायदे देशातील इतर वीज कंपन्यांसाठी दिशादर्शक ठरणार आहेत.

 

या करारानुसार जीईएपीपीकडून महावितरणच्या राज्यभरातील वीजवितरण यंत्रणेच्या डिजिटायझेशनसाठी आर्टिफिशिअल इंटिलिजन्स व मशीन लर्निंगचा आधार घेतला जाईल. या डिजिटायझेशनमुळे वीजवितरणाच्या सर्व यंत्रणेचे व्यवस्थापन आणखी अचूक हाेईल. वीजहानी कमी हाेईल. वीज खरेदीची संभाव्य अचूक गरज कळेल.सुरळीत वीजपुरवठ्यासाठी यंत्रणेच्या देखभाल-दुरुस्तीबाबत; तसेच भार व्यवस्थापन किंवा अतिभारित यंत्रणा आदींबाबत रिअल टाइम विश्लेषणात्मक माहिती उपलब्ध हाेईल. त्या आधारे दर्जे दार वीजपुरवठ्यासाठी आणखी प्रभावीपणे यंत्रणेचे व्यवस्थापन करता येणार आहे.