मुंबई महापालिका कर्मचाऱ्यांना 31 हजारांचे सानुग्रह अनुदान जाहीर केले

 

 

 

मुंबई महापालिकेतील कर्मचाऱ्यांसाठी दिवाळीनिमित्त 31 हजार रुपये सानुग्रह अनुदान जाहीर केल्याने कर्मचाऱ्यांमध्ये आनंदाचे वातावरण आहे.यंदा दिवाळीसाठी वाढीव सानुग्रह अनुदान देण्याची मागणी कर्मचारी संघटनांनी केली हाेती. त्यानुसार सानुग्रह अनुदानाचा क्रम, तपशील आणि सानुग्रह अनुदान रक्नम नुकतीच जाहीर झाली. महापालिका अधिकारी व कर्मचाऱ्यांना 31 हजार रुपये सानुग्रह अनुदान देण्याची घाेषणा करण्यात आली आहे.अनुदानप्राप्त खासगी प्राथमिक शाळा शिक्षक, शिक्षकेतर कर्मचारी, महापालिका प्राथमिक शाळेतील; तसेच अनुदानप्राप्त खासगी प्राथमिक शाळेतील शिक्षण सेवक,माध्यमिक शाळेतील शिक्षक/शिक्षकेतर कर्मचारी (अनुदानित/विनाअनुदानित), माध्यमिक शाळेतील शिक्षण सेवक (अनुदानित/विनाअनुदानित), अध्यापक विद्यालय अधिव्याख्याते/शिक्षकेतर कर्मचारी-(अनुदानित/विनाअनुदानित), अध्यापक विद्यालय शिक्षण सेवक (पूर्ण वेळ) (अनुदानित/विनाअनुदानित) आदींना 31 हजार रुपये सानुग्रह अनुदान जाहीर झाले आहे. भाऊबीज म्हणून सामाजिक आराेग्य स्वयंसेविकांना 14 हजार रुपये, तर बालवाडी शिक्षिका आणि मदतनीसांना 5 हजार रुपये भेट स्वरूपात देण्यात येणार आहेत.